Daniel 12:6 - Alkitab Duri

⁶ Kukita unapi to malaeka' mangrupa tau jaoanna sa'dan to kukita ba'tu piran. Mekutanami sala mesa'na joo malaeka' ke'deh jio randan sa'dan lako joo malaeka' mangrupa tau nakua, ‘Pirara masainna la jaji joo kamaparrisan la'da' te'da susinna?’

Daniel 12:6 ပူးပေါင်းရင်းမြစ်များ

Daniel 12:5

Mangkai joo too, ia tee aku' Daniel ngkita dua malaeka' laen ke'deh naalla'i sa'dan. Mesa' jio randan inde'na liu, na mesa' jio randan sambali'na.

Daniel 12:8

Ia tee aku' Daniel, kusa'ding ngasan to kada napau malaeka', apa te'da kupahangngi apa battuananna joo nasanga. Jaji kukutanaii kukua, ‘Ie' puang, apara la jaji ke cappa'mi joo kajajian la'da'?’

Daniel 8:13

Sitarruhna, kusa'dingngi to dua malaeka' sipangkada. Ia to mesa' malaeka' mekutana nakua, “Pirara masainna la jaji joo apa lan pengkita? Pirara masainna te'da na diparinawa to karoba keallo-keallo nasaba' ia joo kagajatan mesolangan? Pirara masainna joo Bola Puang Allataala disorong lako kuasanna tanduk biccu' anna ia to surudadunna Allataala nalese-lese?”

Daniel 8:16

Denmi gamaranna tau kusa'ding metamba jio mai sambali'na Sa'dan Ulai, nakua, “Ee Jibrail, pauanni Daniel battuananna joo pengkitanna.”

Matius 24:3

Mangkai joo too, malemi Puang Isa de' buntu Zaitun nacumadokko jao. Ratumi to anak gurun-Na la ssipangkadan mesai nakua, “Oo Guru, pauankan, piranra nalajaji joo? Na apara tandana ke la ratu pole'miki' na la Kiama'mo lino?”

Markus 13:4

Namekutana nakua, “Oo Guru, pauankan, piranra nalajaji joo? Na apara tandana, ke nadete'mi wattunna?”

Efesus 3:10

Napugaukki Puang Allataala susi joo la mpapajanni to mangrupa-rupa kamaccan-Na sola kapaissenan-Na Puang Allataala lako mangrupa-rupa tomakuasa ba'tu tomangparenta jao langi' ke nakitai to tomatappa' menjaji susi mesa' kale.

1 Petrus 1:12

Napauanni Puang Allataala tuu lako nabi, kumua ia joo apa napau jolo te'da nadipatuju lako kalena apa lakora kamu'. Na ia joo apa napau jolo tonna anu' mangka misa'ding tee too, sanga den tau mpangpeissenanni lako kamu' mpake kuasan-Na Roh Allataala to pole jao mai suruga. Na moi malaeka' madoang too mpelalanni joo apa dipau jolo.

Pengkitanna Yahya 15:6

Anna messun lan mai to pitu malaeka' to nnampui pitu pangsessa. Mangpakean kaen lenan macero na cumbillan, na mpake bulawan jio babara'na.

Pengkitanna Yahya 19:14

Ia to surudadunna suruga undi nturu'i ssakei nyarang mabusa, namangpakean lenan mabuccang macerrong.

Pengkitanna Yahya 6:10

metambai nakua, “Oo Puang, matonggo kuasan-Ta', mala'bih na tongan. Pirapara masainna tamane' mbicarai tapabalahhii tee tolino to mangkamo mbunokan?”