Daniel 12:3 - Alkitab Duri

³ Ia to tomacca la nnampa' kamala'biran susi arrang jao langi' ba'tu susi bintuin to mangngarrang tarruh te'da cappa'na.’

Daniel 12:3 ပူးပေါင်းရင်းမြစ်များ

Kada Bulawan 11:30

Ia to tomakassing la manyaman katuoanna, ia to tomacca sabuda-budanna tau nturu'i.

Kada Bulawan 3:35

La ditaratte' to tomacca, apa tangdiangga' to tobattuk.

Kada Bulawan 4:18

Ia to lalan katuoanna tomakassing butung arrang allo makale', saendek-endekna samacora-coranna ratu lako tangnga allo.

Daniel 11:33

Den tau to nnampui kamaccan la mpangpangngajaran kameloan na buda tau mapahang, apa te'da namasain. Ba'tu pira-pira joo tomacca la dipatei lan kapararian ba'tu nakande api na den too to dirampo' na ditarungku.

Daniel 11:35

Ba'tu pira-pira to tomacca mangpangngajah melo la dipatei, apa ia joo menjaji pecoba lako umma'-Na Puang Allataala namacero te'da caccana ratu lako Kama'na lino, iamo wattu to mangka Napattantu Puang Allataala.

Daniel 12:10

Buda tau la diuji kamatapparanna, namacero te'da caccana. Apa ia to togaja', tatta'i ia gaja'. Te'da nalampahangngi joo tau to akkatta-Na Puang Allataala. Apa ia to tomacca mangpangngajaran kameloan la mapahang.

Matius 13:43

Na ia to tau mpugauk pakkaeloran-Na Puang Allataala la tiarrang susi allo gaja cora lan Lino Barun-Na Ambe' Puang Allataala. Iamo joo ingaran meloi to apa mangka misa'ding, nasaba' ketalinga kamu'!”

Matius 19:28

Nakuamo Puang Isa lako anak gurun-Na, “La miingaran tee kadang-Ku' kumua, lan Lino Barun-Na Puang Allataala, ia tee Aku', Anak Mentolino, la cumadokkona' jao cadokkoan kaminang mala'bih! Iamo joo wattu milacumadokko toda jao sangpulo dua cadokkoan mala'bih la mparenta sangpulo dua pangrapuanna to-Israel.

Matius 24:45

Mangkadami Puang Isa nakua, “Susinna ke den kaunan melo to wa'ding dikatappa'i, iamo la naben kuasa puangna ngkapalai kaunan laenna, nabenni kande ke wattu kakumandeanmi.

Yahya 4:36

Ia to tomepare mangpamulami ntarima bassena anna wa'ding pada masannang to tomantanan sola to tomepare. Ia to apa napeparei, iamo to tontarima katuoan melo te'da cappa'na.

Yahya 5:35

Ia to Nabi Yahya susi palita dukku mangngarrang. Na ia joo kadanna susi arrang, apa cingga'tu'ra kamu' masannang ntarimai.

Jamanna Rasulu' 13:1

Den ba'tu pira-pira nabi sola guru jamaa jio kota Antiokhia: Barnabas, Simeon to disanga too tomalotong, Lukius to-Kirene, Menahem to dipelobohhi sola Raja Herodes Antipas tonna peapa, na Saulus.

1 Korintus 3:10

Ia tee aku' napabarakkannina' Puang Allataala bungah mpangpeissenan karebanna Almaseh lako kamu'. Jaji, ia tee aku' wa'ding dipangpasusii pande bola to macca ngkabua' pangrante melo, apa tau leko'ra la mpake'dehhii bola. Na ia to tompangjaman Puang pada la njama melo jamanna, susi pande bola mpemeloii ke mpake'dehhi bola jao pangrante.

Efesus 4:11

Pada nabenni barakka' to umma'-Na. Den to napupenjaji rasulu', den to napupenjaji nabi, den to napupenjaji tompangpeissenan Kareba Kasalamatan, den to napupenjaji guru iarika tonnurusu' jamaa.

Ibrani 5:12

Masaimo mituru' to Puang Isa. Sitonganna wattunnamo kamu' mpangpangngajaran kadan-Na Puang Allataala. Apa ianna dikita, parallupa kamu' diajahhi pole' to pangngajaran jio mai kadan-Na Puang Allataala to biasa diben tau mane' matappa' lako Puang Isa. Susipa kamu' pea biccu', tangmitamapangkande kande makarrah, tollo' bang unapa la mikande.

2 Petrus 3:15

Sangami kumua ia to kasabbarasan-Na Puangta', iamo mesa' wattu la nanii mpasalama' kamu'. Mangka toomo Paulus, padanta' tomatappa' to tapakamoja', mpamanassai joo lan sura'na to nakiringan kamu', situru' to kapaissenan nabenni Puang Allataala.

Pengkitanna Yahya 1:20

Ia to battuananna tee pitu bintuin to mukita jio lima kanan-Ku' sola tee pitu tongkonan bulawan susi tee: Ia to pitu bintuin, iamo malaeka'na to pitu jamaa. Na ia to pitu tongkonan, iamo to pitu jamaa.”