Daniel 12:13 - Alkitab Duri

¹³ Apa iko Daniel, tatta' bangko matappa' te'da anggena, la mateko, apa la tuo pole'ko mutarima pahala jio ahera'.’ ”

Daniel 12:13 ပူးပေါင်းရင်းမြစ်များ

Daniel 12:3

Ia to tomacca la nnampa' kamala'biran susi arrang jao langi' ba'tu susi bintuin to mangngarrang tarruh te'da cappa'na.’

Daniel 12:4

Mangkada omi joo malaeka' mangrupa tau nakua, ‘Ee Daniel, anna meloi tee sura', mutatta' njagaii ratu lako Kama'na lino. Buda tau male lako male jio mai madoang nnissenni, dikua nakerangngan to kapaissenanna.’

Matius 19:28

Nakuamo Puang Isa lako anak gurun-Na, “La miingaran tee kadang-Ku' kumua, lan Lino Barun-Na Puang Allataala, ia tee Aku', Anak Mentolino, la cumadokkona' jao cadokkoan kaminang mala'bih! Iamo joo wattu milacumadokko toda jao sangpulo dua cadokkoan mala'bih la mparenta sangpulo dua pangrapuanna to-Israel.

Lukas 21:36

Majaga kamu', mimassambajang, ammimawatang nnoloi sininna to apa la jaji, miwa'ding mangngolo lako Aku', Anak Mentolino.”

2 Korintus 5:1

Nasaba' taissen kumua ia ke diro'pokanmi to bola ba'tu burukmi to batang kale to tanii mari'pih lan tee lino, la napasadianki' Puang Allataala jao suruga mesa' bola ba'tu batang kale baru te'da cappa'na, to tangngia panggaraga tolino.

2 Tesalonika 1:7

Na lako kamu' tomapa'dik susi toomi kami', la naben Puang Allataala kamasannangan ke ratu pole'i to Puang Isa mellao jao mai suruga mpangpekitan kalena sola buda malaeka'-Na to napakuasa,

Pengkitanna Yahya 14:13

Ssa'ding pole' omo' gamara jao mai suruga nakua, “Uki'i tee, ‘Mammula tee too masannang to tau ke naalami bilangan taun-Na Puang Allataala, namate.’ ” Nakua Roh Allataala, “Tongan. Kendenmi mangjama mabanda', na ia to panggaukanna nabenmi Puang Allataala to pahalana.”