Daniel 12:1 - Alkitab Duri

¹ Mangkada pole'i joo malaeka' mangrupa tau, nakua, ‘Ia ke la Kama'mi lino, la ratui Mikhael sala mesa'na kapala malaeka' ntulung bangsamu. Na ia joo wattu na la den kamaparrisan la'da'. Te'dapa naden kamaparrisan susi joo, mangpamula den bangsa ratu lako joo wattu. Apa la salama' bangsamu to diuki'mo sanganna lan Sura' Katuoan.

Daniel 12:1 ပူးပေါင်းရင်းမြစ်များ

Daniel 10:13

Apa mane' ratura' tee too, nasaba' duangpulo mesa allona nnewa mesa' malaeka' gaja' to ngkuasai Persia. Mangkai joo too, ratui Mikhael sala mesa'na kapala malaeka' ntulungna', nasaba' dipamesa-mesana' ntuu joo sola rajana to-Persia.

Daniel 11:45

Na la mpake'dehhi tendana to gaja kassing jio paralla'na Tasik Tangnga na buntu maballo to nanii Bola Puang Allataala. Apa la matei. Na moi mesa' tau, te'da ngkullei ntulungngi.’

Daniel 7:10

Mellala'i to api jio mai olo-Na Puang, na massa'bu-sa'bu tomparakai-I, na mangjuta-juta to tau ke'deh jio olo-Na. Cumadokkomi to tomangra'tah kara-kara, nadibukka' to sura'.

Daniel 9:12

Najajimo susi to Tapau jolo la jaji lako kami' sola lako tomangparentaki'. La'bih disessamokan to-Yerusalem na ia to tau jio kota laen umbo-umbo nanii lan lili'na lino.

Matius 24:21

Nasaba' ia joo wattu la den pangsessa gaja parri', to te'dapa naden susinna joo sipammula lino dipaden ratu lako too allo, na te'da toomo naladen pole'pa.

Markus 13:19

Nasaba' ia joo wattu la den pangsessa gaja parri', to te'dapa naden susinna sipammula lino dipaden ratu lako too allo, na te'da toomo naladen pole'pa.

Lukas 10:20

Moi nasusi joo, danggi' mimario nasaba' naturu'mo kamu' setang, apa la mario kamu', nasaba' diuki'mo to sangammi jao suruga.”

Roma 11:15

Ia ke sikalino pole'i Puang Allataala sola to bangsa tangngia to-Yahudi, nasaba' mangka mboko'i Puang Allataala to to-Yahudi, apa pole'raka ke ditarima pole'i, butung to tomate tuo pole'!

Roma 11:26

Mangkai joo too dipasalama' ngasanmi to to-Yahudi. Nasaba' den diuki' lan Sura' Allataala, nakua Puang Allataala kumua, “Ia to Tomangpasalama' ratu jio mai kota Sion. Iamo la mpamambela kagajatan jio mai bati'na Nabi Yakub.

Efesus 1:21

La'bih majao ia to torroan-Na Almaseh na ia to torroanna sininna kuasa ba'tu kaparentan jao langi' na lan lino, ba'tu laenna to dikita majao, la tuona tee too, ba'tu ia ke jio ahera'.

Filipi 4:3

Ee, sangpangjamanku' sola ngasan! Kupeta'dapa lako kalemi, tulungngi tuu baine sola dua, to mangkamo kusibawan mpengkulle-kullei mpangpeissenan Kareba Kasalamatan sola Klemens, na budapa solaku' laenna, to diuki' sanganna lan Sura' Katuoan.

Yudas 1:9

Moi Mikhael, to puanggawana malaeka' jao suruga, te'da napugaukki susi joo. Ia tonna sisakka sola Ballisi' ssialaii batang rabukkuna Nabi Musa, te'da nabarani Mikhael mpasalai ba'tu ncapa'-capa'i to Ballisi'. Nakua mandara Mikhael, “Na Puang Allataalamora nggarra'ko.”

Pengkitanna Yahya 1:5

Ia to Puang Isa sa'bi maruruh. Iamo bungah dipatuo jio mai kamatean. Ia toomo ngkuasai sininna raja lan lino. Napakamoja'ki' namate anna la'paranmiki' jio mai dosata'.

Pengkitanna Yahya 12:7

Anna sirari to malaeka' jao suruga. Mikhael sola malaeka'na nnewai joo naga, apa ia joo naga nabalii toda ia malaeka'na.

Pengkitanna Yahya 13:8

La nasompa sininna to totuo lan lino, saliwanna to tomangkamo diuki' sanganna lan Sura' Katuoan tonna te'dapa nadipaden tee lino. Ia to Sura' Katuoan, sura'-Na Anak Bembala' to mangkamo digere'.

Pengkitanna Yahya 17:14

Namane' mangrari joo olok-olok sola tuu lako raja nnewa Anak Bembala'. Apa ia joo Anak Bembala' ntaloi sola tau matappa'-Na, sanga iamo Puangna sininna puang na Rajana sininna raja.” Ia to taun-Na, iamo to mangka napilei anna pakedoi penawanna.

Pengkitanna Yahya 20:12

Kukita tooi to tomate, la tokaissenan, la tobiasa, ke'deh jio olona cadokkoan mala'bih. Diballahmi to ba'tu pira-pira sura' tilulun. Den omi mesa' sura' tilulun laen diballah, iamo Sura' Katuoan. Namane' dira'tah kara-karana tee mai tomate situru' to diuki' lan joo sura' tilulun.

Pengkitanna Yahya 3:5

Na ia to topatalo la kupapakeii pakean mabusa na te'da too kuta'deii sanganna lan Sura' Katuoan. Na la kuakui jio olo-Na Ambe'-Ku' sola sininna malaeka'-Na kumua umma'-Ku'.

Pengkitanna Yahya 7:14

Kupebalii kukua, “Ie', te'da kita' kuissenni. Kita'ra la'bih nnissenni.” Nakuamo joo tomatua-tua ngkuanna', “Iamo tee mai to tosalama' jio mai pangsessa gaja parri'. Mangkami ssassa' pakean malandona mpake rarana Anak Bembala' namabusamo.