Daniel 11:45 - Alkitab Duri

⁴⁵ Na la mpake'dehhi tendana to gaja kassing jio paralla'na Tasik Tangnga na buntu maballo to nanii Bola Puang Allataala. Apa la matei. Na moi mesa' tau, te'da ngkullei ntulungngi.’

Daniel 11:45 ပူးပေါင်းရင်းမြစ်များ

Daniel 11:16

Ia to raja jajanna liu la mpupangngeloh bang elohna mangpugauk, na moi mesa' tau te'da nnewai. Natorroi to Tana Kaminang Makassing nawa'ding nnancuru'i.

Daniel 11:41

Moi to Tana Kaminang Makassing la natamai too na mangpulo sa'bu tau napatei. Apa ia to to-Edom, to-Moab sola ia to tongkapalai to-Amon la salama'.

Daniel 11:44

Apa den kareba tangmelo jio mai kadellekan sola jaja mai la mpasabakanni, arannai raja jajanna liu gaja birih na la male mangrari la ncappu'i tau liwa' buda.

Daniel 2:35

Wattu ia bang unamo joo nata'pa ro'pok joo patung, namenjaji bassi titombon, litak pitti', tambaga, salaka, na bulawan to maninnangmo susi au iarika sowok jio to' dinii massambak resa', napasisarambuanni angin na moi ngenanna te'damo dikita. Apa ia joo batu rro'pokanni joo patung, menjajii buntu gaja tonggo na mponnoi sininna lino.

Daniel 7:26

Cumadokkomi to tomangra'tah kara-kara, napasoro'i mangparenta joo raja, naancuru'i arannai lanynya'.

Daniel 8:25

Gaja mangngakkalanni na nnuraga buda tau. Nnangga' majao bang kalena, liwa' matampo. Te'da napau-paui, na te'da nakalannai tau nata'pa nnancuru'i. Moi Allataala, Raja ngkuasai sininna raja, naewa too. Katampakanna ditaloi, apa tangngia tolino ntaloi.

Daniel 9:16

Oo Puang Allataala, addampangankan situru' kamarurusan-Ta', danggi'mo nakannai kamabirisan-Ta' to kota-Ta' Yerusalem jao buntu mala'bih-Ta'. Nasaba' ia to tau torro jio mengguririkkina kota Yerusalem te'damo naangga'i to umma'-Ta', sola kota-Ta' sanga dosaki' sola kasalanna tojoloki'.

Daniel 9:20

Massambajang unapa' nnakui dosaku' sola dosana bangsaku' Israel, meta'da lako PUANG Allataala to kusompa dikua na melo pole' to Bola Puang Allataala jio kota Yerusalem.

2 Tesalonika 2:4

Ia joo Togaja' la nnewa Puang Allataala. Gaja burru' ia, sanga nakita majiong ngasan to nasompa tolino. Ia mandamo ssanga tau kalena, anna male cumadokko tama Bola Puang Allataala mpangpeissenan kalena kumua “Aku'mo Puang Allataala”.

2 Tesalonika 2:8

mane'ri pajan. Apa ia ke ratu pole'mi Puang Isa, la nasuei joo Togaja' mpake kuasa mala'bih-Na arannai mate.

Pengkitanna Yahya 13:10

“Ia to tau la ditarungku, nang la ditarungku ia. Na ia to tau la dibuno mpake pa'dang, nang la dibuno ia. Jaji la sabbara'i namatappa' to umma'-Na Puang Allataala.”

Pengkitanna Yahya 20:2

Najokkoi joo naga, iamo to ulah tua disanga Ballisi' ba'tu puanggawana setang napumpungngi sangsa'bu taunna.

Pengkitanna Yahya 20:9

Naponnoi to kuli'na padang jio mai sulapa'na lino anna talimbungngi to nanii sirempun tendana umma'-Na Puang Allataala na kota to napakamoja' Puang. Apa pollohhi to api jao mai langi' mmusaii tuu lako tau.