Daniel 11:37 - Alkitab Duri

³⁷ Ia joo raja matampo, te'da lalo naangga'i to dewata nasompa tojolona, moi to dewata nasompa baine, ba'tu dewata laen. Nasaba' nnangga'i kalena la'bih makuasa na ia to sininna dewata.

Daniel 11:37 ပူးပေါင်းရင်းမြစ်များ

Daniel 11:36

Napugauk bang raja karajaan jajanna liu to apa nakadoangngi. Namenjaji matampo, nnangga' kalena la'bih mala'bih na ia to sininna dewata. La'bih-la'bih liwa' ncapa' Allataala to makuasa. La jaji ngasan susi to nakadoangngi arannai naperasai to kamabirisan-Na Puang Allataala. Nasaba' ia to mangka Napattantu Puang Allataala nang la jaji.

Daniel 11:38

La ssompai dewata benteng to te'da lalopa napugaukki tojolona. La napassompanni to bulawan, salaka, paramata na ewanan laen to makeangga', lako joo dewata benteng.

Daniel 8:11

Naewai to tongkapalai surudadu jao suruga, nata'tanni to tau mangkaroba keallo-keallo lako joo tongkapalai surudadu jao suruga. Nacarepai tooi to Bola Puang Allataala.

2 Tesalonika 2:4

Ia joo Togaja' la nnewa Puang Allataala. Gaja burru' ia, sanga nakita majiong ngasan to nasompa tolino. Ia mandamo ssanga tau kalena, anna male cumadokko tama Bola Puang Allataala mpangpeissenan kalena kumua “Aku'mo Puang Allataala”.

1 Timotius 4:3

Mangngajahhii tuu lako tau kumua, danggi' nakebaine ba'tu kemuane to tau. Den too kande mattantumo napemalian nakande. Nasitonganna ia joo kande napaden Puang Allataala la dikande, anna ia to tomatappa'mo na nnissen toomo pangngajaran tongan mangkurru sumanga' ngkandei.