Daniel 11:36 - Alkitab Duri

³⁶ Napugauk bang raja karajaan jajanna liu to apa nakadoangngi. Namenjaji matampo, nnangga' kalena la'bih mala'bih na ia to sininna dewata. La'bih-la'bih liwa' ncapa' Allataala to makuasa. La jaji ngasan susi to nakadoangngi arannai naperasai to kamabirisan-Na Puang Allataala. Nasaba' ia to mangka Napattantu Puang Allataala nang la jaji.

Daniel 11:36 ပူးပေါင်းရင်းမြစ်များ

Kada Bulawan 19:21

Buda to naakkattai tolino, apa akkatta-Na Ia Puang Allataala to jaji.

Daniel 11:16

Ia to raja jajanna liu la mpupangngeloh bang elohna mangpugauk, na moi mesa' tau te'da nnewai. Natorroi to Tana Kaminang Makassing nawa'ding nnancuru'i.

Daniel 11:3

La den pole'pa mesa' raja liwa' mawatang la mparenta karajaan gaja luah, na mpupangngelohna bang elohna.

Daniel 11:37

Ia joo raja matampo, te'da lalo naangga'i to dewata nasompa tojolona, moi to dewata nasompa baine, ba'tu dewata laen. Nasaba' nnangga'i kalena la'bih makuasa na ia to sininna dewata.

Daniel 12:7

Ia joo malaeka' mangrupa tau, nnangka' dua limanna de' langi' na massapah jio olo-Na Puang Allataala to tuo te'da anggena, nakua, ‘La jaji tallung taun sitangnga masainna. Ianna mangkamo diancuru' to kamawatanganna umma'-Na Puang Allataala, mane'ri dianggei joo apa jaji.’

Daniel 2:47

Mangkadami raja lako Daniel nakua, “Nang la'bih makuasa to Allataala musompa, na ia to puang iarika raja laen. Ia toomo to mpamanassai to sininna apa tangkaissenan. Kuissenni joo, nasaba' napangpeissenanmo lako iko to apa la jaji.”

Daniel 4:35

Sininna tolino te'da bua'na. Ia to malaeka' jao suruga sola tolino Nakuasai ngasan Allataala. Te'da tau ngkullei nnewai to pakkaeloran-Na ba'tu mekutana, ‘Apara Tapugauk?’

Daniel 5:19

Matonggo kuasanna, iamo joo nakalaja'i sola nakasiri'i sininna bangsa, simesa'-mesa' rapu tau to mpake mangrupa-rupa basa. Ia ke madoangngi mpatei tau, Napatei bang unamira. Susi too ke madoangngi mpasalama' tau, Napasalama' too. Napamajaoi to to-Nakabudai, Napamajiongngi to totang-Nakabudai.

Daniel 5:20

Apa ia tonna memmatampomo, membattuk na mpamajao penawanna, dialaimi to kamala'biranna sola kakuasanna menjaji raja.

Daniel 7:8

Ia tongkukita unapi to tandukkuna, tuo omi mesa' to tanduk biccu' jio paralla'na, na tirebu'i to tallu tanduk jolona anna sipolloran. Na ia joo tanduk mane' tuo kemata susi mata tau na ia to timunna mpau kada matampo.

Daniel 8:19

Namangkada pole' Jibrail lako aku' nakua, “La kupauanko apa to la jaji ke la Kama'i lino, Napugaukki Allataala to kamabirisan la'da'na.

Daniel 8:4

Kukitai joo bembala' muane manglaga tama kalambunan, manglaga re', manglaga sau'. La'bih mawatang na ia to olok-olok laen, moi mesa' te'da ngkullei nnewai, ba'tu la'pah jio mai kuasanna. Napugauk bang to apa nakadoangngi, na memmawatang.

Yahya 5:30

Mpatarruhhi kadan-Na Puang Isa nakua, “Te'da kuwa'ding mpugauk apa situru' pakkaeloran-Ku'. Rra'tahna' kara-karana tolino susi to naparentanna' Ambe'. Maruruh to pangra'tah-Ku', nasaba' te'da naeloh-Ku', apa pakkaeloran-Na Ambe' to ssuana'.

Yahya 6:38

Sanga mellaona' jao mai suruga, tangngia kumua pakkaeloran-Ku' la kupugauk, apa pakkaeloran-Na Ambe'-Ku' to ssuana'.

Jamanna Rasulu' 4:28

Mesa' penawai la mbuno Puang Isa. Apa sitonganna ia to kadibunoanna, tapattantu jolomo la jaji situru' kuasan-Ta' na pakkaeloran-Ta'.

2 Tesalonika 2:3

Moi apa nakua tau, danggi' lalo mimatappa', sanga tomangnguragara. Nasaba' den dua kara-kara la jaji namane' ndete'i wattu karatuan-Na pole' Puang Isa. Mangpempissenna buda tau la mpessakkanni Puang Isa. Na mangpenduanna den mesa' tau la mpangpekitan kalena, iamo to Togaja' to napattantumo Puang Allataala la mentama naraka.

2 Tesalonika 2:4

Ia joo Togaja' la nnewa Puang Allataala. Gaja burru' ia, sanga nakita majiong ngasan to nasompa tolino. Ia mandamo ssanga tau kalena, anna male cumadokko tama Bola Puang Allataala mpangpeissenan kalena kumua “Aku'mo Puang Allataala”.

2 Tesalonika 2:8

mane'ri pajan. Apa ia ke ratu pole'mi Puang Isa, la nasuei joo Togaja' mpake kuasa mala'bih-Na arannai mate.

Yosua 22:22

“PUANG Allataala to makuasa, to la'bih makuasa na sininna dewata, nnissenni tee kipugaukkuna. Naparallu too la miissen kumua ia ke denni pattujungki' nnewa Puang Allataala kipugaukki susi joo na te'damo kikatappa'i-I, ma'namo Nata'pa mpatei ngasankan too allo!

Pengkitanna Yahya 10:7

Ianna malaeka' mangpempitu mpannoni tarompe'na, la napugaukmi Puang Allataala to akkatta membunin-Na susi to mangka napangpeissenan lako sininna nabi to nasua.”

Pengkitanna Yahya 12:14

Apa ia joo baine dibenni dua pani' langkan tedong matonggo napake mentia' lako padang pallawangan to dinii njaranaii tallung taun sitangnga anna salama' jio mai kamabirisanna joo ulah ba'tu Ballisi'.

Pengkitanna Yahya 13:1

Ngkita omo' mesa' olok-olok endek jiong mai tasik, ketanduk sangpulo na pitu ulunna. Ia to tandukkuna pada mpake mahkota. Na ia to ulunna pada den sanga diuki' jio to ncapa' Puang Allataala.

Pengkitanna Yahya 17:17

Napugaukki joo tanduk susi joo situru' pakkaeloran-Na Puang Allataala, nasaba' mangkamo nasede Puang la mpugaukki. Iamo joo napada mbenni joo olok-olok kamawatanganna sola kuasanna, anna ia mangparenta, sajajinna to apa napau Puang Allataala.

Pengkitanna Yahya 17:3

Nakuasaina' Roh Allataala, nasolanna' joo malaeka' lako padang pallawangan. Angkukita mesa' baine cumadokko jao olok-olok malea. Ia joo olok-olok keulu pitu, ketanduk sangpulo, na ia to batang kalena ponno sanga diuki' to ncapa' Puang.