Daniel 11:35 - Alkitab Duri

³⁵ Ba'tu pira-pira to tomacca mangpangngajah melo la dipatei, apa ia joo menjaji pecoba lako umma'-Na Puang Allataala namacero te'da caccana ratu lako Kama'na lino, iamo wattu to mangka Napattantu Puang Allataala.

Daniel 11:35 ပူးပေါင်းရင်းမြစ်များ

Kada Bulawan 17:3

Ia to bulawan sola pera' disa'po dinii nnissenni kumua massangraka, apa ia to penawanta' Puang Allataala nnujii.

Daniel 11:27

La cumadokkoi joo raja sola dua nakumande, apa gaja' akkattana sola dua na siuraga. Te'da najaji joo akkattana, nasaba' te'dapa nadete'i wattunna to Napattantu Puang Allataala.

Daniel 11:29

Ia to wattu pura Napattantu Puang Allataala la male pole' rrarii to karajaan lo'na liu, apa ia to assele'na te'da nasusi tonna male jolo.

Daniel 11:33

Den tau to nnampui kamaccan la mpangpangngajaran kameloan na buda tau mapahang, apa te'da namasain. Ba'tu pira-pira joo tomacca la dipatei lan kapararian ba'tu nakande api na den too to dirampo' na ditarungku.

Daniel 11:40

Ia tonna mangkatampakanna joo wattu, la nararii Raja Mesir. Namane' la mangpabalahhi to raja jajanna liu mpake bendi kapararian, surudadu mangnyarang, na den too buda kappala'na. Ia to surudadunna liwa' buda la ssamboi buda kampong susi bangmi wai saba'.

Daniel 12:3

Ia to tomacca la nnampa' kamala'biran susi arrang jao langi' ba'tu susi bintuin to mangngarrang tarruh te'da cappa'na.’

Daniel 12:4

Mangkada omi joo malaeka' mangrupa tau nakua, ‘Ee Daniel, anna meloi tee sura', mutatta' njagaii ratu lako Kama'na lino. Buda tau male lako male jio mai madoang nnissenni, dikua nakerangngan to kapaissenanna.’

Daniel 8:10

Samatonggo-tonggonai to tanduk mane' tuo, arannai ganna' to kamawatanganna nnewai to bintuin jao langi' sola surudadu jao suruga. Na den ba'tu pira-pira to napenca'bean do' litak nalese-lesei.

Daniel 8:17

Jaji ratumi Jibrail jio to kunii ke'deh. Ia tonna mandoppi'mo liwa'mo' malaja', kusongka do' litak jio olona. Nakua lako aku', “Ee, tolinoko, apa nang la parallu muissen kumua ia joo pengkitammu iamo to la jaji ke la Kama'mi lino.”

Daniel 8:19

Namangkada pole' Jibrail lako aku' nakua, “La kupauanko apa to la jaji ke la Kama'i lino, Napugaukki Allataala to kamabirisan la'da'na.

Daniel 9:27

Ia joo raja nggaraga basse mabanda' lako tau buda pitung taun masainna. Ia tonna mattangnganmo joo wattu tangnaeloranni to karoba sola passompan dipugauk. Na den to liwa' mecarepan to disanga ‘Kagajatan to mesolangan’ la dipatama Bola Puang Allataala, na la lan tarruh, angge lako wattu to Napattantu Puang Allataala nanii lanynya'ii joo raja.”

Matius 16:17

Nakuamo Puang Isa, “Simon anakkana Yona. Masannangko, nasaba' tangngia tolino mpauanko to ianna tuu, apa pole jio mai Ambe'-Ku' jao suruga.

Matius 26:56

Apa nang la jaji susi joo, dikua anna jaji to diuki' lan sura'na nabi.” Mangkai joo too pada sipalaianmi to anak gurun-Na ssalaii.

Yahya 15:2

Ia to tangke-Ku' to te'da namembua, nasembangngi Ambe'. Na ia to den buanna naalai pira' to daunna, nabajaii anna la'bih buda buanna.

Yahya 20:25

Nakua solana ngkuanni, “Mangkamokan ngkita Puang!” Apa mebalii nakua, “Ianna te'dapa kukitai na te'da toopa kukaka'i to lalan paku jio liman-Na na te'dapa kukaka'i to lalan doke jio sa'de-Na, te'dapa kumatappa'.”

Jamanna Rasulu' 13:13

Mangkappala'mi Paulus sola to solana jio mai kota Pafos lako kota Perga jio tana Pamfilia. Ntuumo jio nanii messarak Yahya Markus napole lako kota Yerusalem.

Yakub 1:2

Ee, tomala'bihku'! Ianna kanna kamu' mangrupa-rupa pecoba, la misangai kumua tomasannang kamu'.

Pengkitanna Yahya 14:15

Naden omi mesa' malaeka' messun lan mai Bola Puang Allataala metamba mpauanni joo to cumadokko jao saleu' nakua, “Passaetanmi tuu sae'mu. Saetannamo to lino, endekmo to assele' padang.”

Pengkitanna Yahya 17:17

Napugaukki joo tanduk susi joo situru' pakkaeloran-Na Puang Allataala, nasaba' mangkamo nasede Puang la mpugaukki. Iamo joo napada mbenni joo olok-olok kamawatanganna sola kuasanna, anna ia mangparenta, sajajinna to apa napau Puang Allataala.

Pengkitanna Yahya 2:10

Apa danggi' mimalaja' to kamaparrisan to la mioloi. Matappa' kamu', sanga sitonganna den ba'tu pira-pira tau lan tangnga-tangngami la napembuangan Ballisi' tama pangtarungkuan, napengkulle-kullei mpalao sala kamu' nate'damo mimatappa'. La mperasai kamu' pa'dik sangpulo allona. Apa la matappa' kamu' lako Aku' ratu lako matemi na la kuben kamu' pahala, iamo to katuoan melo te'da cappa'na.

Pengkitanna Yahya 7:14

Kupebalii kukua, “Ie', te'da kita' kuissenni. Kita'ra la'bih nnissenni.” Nakuamo joo tomatua-tua ngkuanna', “Iamo tee mai to tosalama' jio mai pangsessa gaja parri'. Mangkami ssassa' pakean malandona mpake rarana Anak Bembala' namabusamo.