Daniel 11:32 - Alkitab Duri

³² Nauragai raja to tote'damo nampugauk atoran agama nasedei namadoang mbalii. Apa ia to totatta' matappa' lako Allataala to nasompa la barani nnewai.

Daniel 11:32 ပူးပေါင်းရင်းမြစ်များ

Kada Bulawan 19:5

Ia to tosa'bi tangtongan jio pangra'tasan kara-kara, te'da nalala'pah jio mai pangsessa, na ia to tompau kada tangtongan, nang la disessa.

Kada Bulawan 26:28

Ia to nnuraga tau, pada bang una to ngkaba'ci tau, na ia to kada passede mparatu kamasolangan.

Daniel 11:21

Mpatarruhhi kadanna joo malaeka' mangrupa tau nakua, ‘La den pole' raja la mparenta karajaan jajanna liu, mesa' tau to te'da nadiangga' to tangsipato' menjaji raja, apa te'da nadikalannai naratu kalasi, narampai to karajaanna.

Daniel 11:34

Mukkun bang unapa to tomacca dipatei na den tontulungngi apa ci'di'ra. Den too buda tau madoang nasolan apa naanggai'-gai'ra, sanga denri apa nakadoangngi.

Yahya 17:3

Iamo tee to katuoan melo te'da cappa'na, ke naissen tonganmiki' tau kumua Kita'mo Puang Allataala tongan, anna issen toona' kumua Aku'mo Puang Isa Almaseh to mangka tasua.

1 Yahya 5:20

Taissenmo kumua mangkamo mentolino to Anak Allataala na mangka toomo mbenki' kapaissenan, antawa'ding nnissenni indara to Puang tongan. Mesa' penawamiki' sola Puang Allataala tongan, sanga mesa' penawamiki' sola Anak Allataala, Puang Isa Almaseh. Iamo Puang Allataala tongan, to mpangben katuoan melo te'da cappa'na.

Pengkitanna Yahya 6:11

Pada dibenni pakean malando mabusa, namane' disua kenden jolo' nasabbara' cingga'tu', anna dipaganna' bilanganna to padanna tomatappa' to la dibuno toda.