28 La pole re' kampongna raja jajanna liu mbawa ewanan buda to mangka narampa. Den akkattana la nnancuru'i to agamanna umma'-Na Puang Allataala. La mpugauk bang apa nakabudai namane' pole re' kampongna.
La cumadokkoi joo raja sola dua nakumande, apa gaja' akkattana sola dua na siuraga. Te'da najaji joo akkattana, nasaba' te'dapa nadete'i wattunna to Napattantu Puang Allataala.
Kagajatanna to tanduk biccu' na te'damo tau mangkaroba keallo-keallo. Na ia to surudadunna Allataala disorongmo lako kuasanna joo tanduk biccu'. Susimi joo nakeassele' ngasan to apa napugauk.
Naliwa' mawatang, apa tangngia kamawatanganna mesa. La nacappu'i ngasan sininna to tonnewai. Ia to apa nakadoangngi la keassele' ngasan. La nataloi to tomakuasa, na la nnancuru' too umma'-Na Allataala.
Kamu'mo bati'na joo nabi. Na ia to basse-Na, napaden Puang Allataala lako tojolomi, dipatuju lako kamu'. Ia tonna paui Puang Allataala to basse-Na lako Nabi Ibrahim, nakua kumua, ‘La kubarakka'i to sininna bangsa lan tee lino, sanga bati'mu.’