Daniel 11:21 - Alkitab Duri

²¹ Mpatarruhhi kadanna joo malaeka' mangrupa tau nakua, ‘La den pole' raja la mparenta karajaan jajanna liu, mesa' tau to te'da nadiangga' to tangsipato' menjaji raja, apa te'da nadikalannai naratu kalasi, narampai to karajaanna.

Daniel 11:21 ပူးပေါင်းရင်းမြစ်များ

Daniel 11:20

La nasullei mesa' raja to la ssua taunna la mparuku tau rrempun sima, la napangrangnganan kasugiran karajaan. Te'da namasain na la dipatei joo raja, te'da namate lan kamabirisan ba'tu lan kasirarian.’

Daniel 11:32

Nauragai raja to tote'damo nampugauk atoran agama nasedei namadoang mbalii. Apa ia to totatta' matappa' lako Allataala to nasompa la barani nnewai.

Daniel 11:34

Mukkun bang unapa to tomacca dipatei na den tontulungngi apa ci'di'ra. Den too buda tau madoang nasolan apa naanggai'-gai'ra, sanga denri apa nakadoangngi.

Daniel 11:7

Te'da namasain mangkanna joo la den unapa mesa' tau to rapunna joo anakkana raja baine mangka dipatei la menjaji raja llo' karajaan Mesir ssullei ambe'na. La nararii to karajaan jajanna liu nataloi, natamaii to bentengna.

Daniel 4:17

Ia tee pepasan ba'tu kara'tasan kupau situru' to napattantu malaeka'-Na Allataala, dikua naissen ngasanni tolino kumua ia to Allataala Tomala'bih ngkuasai karajaanna tolino. Mpangbengan karajaan lako tau to Nakabudai, moi na lako tobiccu'.”’

Daniel 7:8

Ia tongkukita unapi to tandukkuna, tuo omi mesa' to tanduk biccu' jio paralla'na, na tirebu'i to tallu tanduk jolona anna sipolloran. Na ia joo tanduk mane' tuo kemata susi mata tau na ia to timunna mpau kada matampo.

Daniel 8:23

Mpatarruhhi kadanna Jibrail nakua, “Ia na la cappa'mo to karajaan mangparenta, buda tau la mpugauk panggaukan to liwa' gaja'. Na den pole' mesa' raja to gaja parrang namacca mangnguraga.

Daniel 8:25

Gaja mangngakkalanni na nnuraga buda tau. Nnangga' majao bang kalena, liwa' matampo. Te'da napau-paui, na te'da nakalannai tau nata'pa nnancuru'i. Moi Allataala, Raja ngkuasai sininna raja, naewa too. Katampakanna ditaloi, apa tangngia tolino ntaloi.

Daniel 8:9

Tuo omi mesa' to tanduk biccu' jio mai sala mesa'na joo appa' tanduk, namenjaji gaja tonggo na ia to kuasanna maluah ratu sau' lo'na liu sola lako kadellekan, na moi lako Tana Kaminang Makassing, nakuasai too.