Daniel 11:12 - Alkitab Duri

¹² Majao penawami, sanga pataloi na gaja buda surudadu napatei. Apa moi nasusi joo, te'da namasain to kakuasanna.

Daniel 11:12 ပူးပေါင်းရင်းမြစ်များ

Kada Bulawan 16:18

Ia to tomatampo la nnampa' kamasolangan, na to tomajao penawa la dilanynya'i.

Daniel 11:11

Gaja birihhi joo raja lo'na liu, na ia kalena la male sola surudadunna sirari raja jajanna liu. Na moi la'bih buda surudadunna to raja jajanna liu apa nang la nataloi.

Daniel 11:13

Mangpenduannami to raja jajanna liu mpasadia buda surudadu, la'bih budapa na ia tonna jolona. Ia ke wattunnamo malemi mangrari mbawa surudadu kamban sola buda parewa dipake mangrari.

Daniel 5:23

La'bih tapamajao to kaleta' na ia to Puang Allataala jao suruga, barani tooki' massua nnalai to isotan, to narampa ambe'ta' lan mai Bola Puang Allataala ba'tu piran, tapake mangngiso' sola baineta' na baine laenta' sola to tomajao pangka'na. Tapakala'bih too dewata to te'da napakita ba'tu te'da napasa'ding sola te'da napaissen to dikabua' jio mai bulawan, salaka, tambaga, bassi, kaju na batu. Te'da tametaratte' lako Allataala to ntoe sunga' na lalan katuoanta'.

Daniel 8:25

Gaja mangngakkalanni na nnuraga buda tau. Nnangga' majao bang kalena, liwa' matampo. Te'da napau-paui, na te'da nakalannai tau nata'pa nnancuru'i. Moi Allataala, Raja ngkuasai sininna raja, naewa too. Katampakanna ditaloi, apa tangngia tolino ntaloi.

1 Timotius 3:6

Danggi' too na ia tomane' matappa', nasaba' wa'dingngi matampo, anna disessa susi Ballisi'.

1 Petrus 5:5

Meta'dana' lako kamu' to malolle'pa kumua, la mangpesa'ding kamu' lako tomatua. Na lako kamu' sola ngasan meta'dana' kumua, danggi' mimatampo apa situlung kamu'. Nasaba' den diuki' lan Sura' Allataala kumua, “Naewa Puang Allataala to tomatampo, apa nakamasei to tompamajiong kalena.”