Daniel 10:14 - Alkitab Duri

¹⁴ Kumane' ratu ssikitanko mpapahangngiko to apa la jaji lako bangsamu keanu', nasaba' ia tee pengkita la jaji tee wattu la dioloi lako.’

Daniel 10:14 ပူးပေါင်းရင်းမြစ်များ

Daniel 10:1

Ia tonna taun mangpentallunnamo kaparentanna Koresh rajana to-Persia, ratumi pepasan-Na Puang Allataala lako Daniel to disanga too Beltsazar. Tongan joo pepasan mpaui kumua la den kasirarian la'da'. Naparinawa tonganni Daniel joo pepasan, napemanassaii to pengkita ratu lako kalena.

Daniel 12:4

Mangkada omi joo malaeka' mangrupa tau nakua, ‘Ee Daniel, anna meloi tee sura', mutatta' njagaii ratu lako Kama'na lino. Buda tau male lako male jio mai madoang nnissenni, dikua nakerangngan to kapaissenanna.’

Daniel 12:9

Mebalii joo malaeka' nakua, ‘Danggi' mumalaja' Daniel, nasaba' ia tee kadan-Na Puang Allataala la dianna melo na dijagai ratu lako Kama'na lino.

Daniel 2:28

Apa Allataala jao suruga mpamanassai to sininna apa tangnaissen tau, na Iamo mangka mpangpekitanni lako kita' to apa la jaji tee wattu la dioloi lako. Susimi tee to tindo sola pengkita, to takita tontamamma'.

Daniel 8:16

Denmi gamaranna tau kusa'ding metamba jio mai sambali'na Sa'dan Ulai, nakua, “Ee Jibrail, pauanni Daniel battuananna joo pengkitanna.”

Daniel 8:26

Ia joo pengkita mpaui to pangkaroba keallo-keallo 2300 to dipugauk makale' na karuen, to mangkamoko dipauan, nang la jaji. Apa nang la mujagai melo tongan tuu pengkita, sanga gaja sainpa namane' jaji.”

Daniel 9:22

Napamanassai Jibrail lako aku' nakua, “Ee Daniel, ia tee aku' ratuna' mpapahangngiko joo apa napau jolo Nabi Yeremia tonna anu'.

2 Timotius 3:1

Ingaran meloi tee! La buda kamaparrisan ke tampakkanami lino.

Ibrani 2:3

Apa pole'pi kita', ia ke te'da taingaran meloi joo Kareba Kasalamatan, tantu te'da talala'pah jio mai pangsessa. Sanga la'bih melo joo Kareba Kasalamatan na ia joo atoran naparatu malaeka' tonna anu'. Puang Isa Ia to bungah mpangpeissenanni, na mangkamiki' napauan tuu lako tobungah ssa'dingngi, antaissenni kumua tongan.