Daniel 10:12 - Alkitab Duri

¹² Namangkada pole' joo malaeka' mangrupa tau lako aku', nakua, ‘Daniel, danggi' mumalaja', nasaba' Nasa'dingmo Puang Allataala to passambajangmu tommumane' nnakkattaii la nnissenni joo pepasan-Na ammumpamajiong kalemu lako Allataala to musompa. Iamo kuratu, nasaba' passambajangmu.

Daniel 10:12 ပူးပေါင်းရင်းမြစ်များ

Daniel 10:11

Mangkadami joo malaeka' mangrupa tau lako aku' nakua, ‘Ee Daniel, Napakamoja'ko Puang Allataala. Ke'dehmoko mupesa'dingngi tee pepasanku', sanga Nasuana' Puang Allataala ratu lako iko.’ Ia tongkusa'dingmi joo kadanna malaeka', ke'dehna' nambe'beh to ajeku'.

Daniel 10:19

Mangkadai nakua, ‘Ee Daniel, danggi' mumalaja', Napakamoja'ko Puang Allataala. Danggi' mupussak! Mawatang tonganko!’ Mangkada unapi susi joo kusa'dingngi to kaleku' mawatang pole'. Mangkadamo' kukua, ‘Mangkadamiki' puang, nasaba' kerangnganmi to kamawatanganku'.’

Matius 28:10

Mangkadami Puang Isa nakua, “Danggi' mimalaja'! Malemo kamu' mpauanni to sile'to-Ku', anna male re' tana Galilea, na jiopa kunii sikita.”

Matius 28:5

Nakuamo joo malaeka' ngkuanni tuu lako baine, “Danggi' mimalaja'! Kuissen kumua nnangah kamu' Puang Isa to mangka dipampang.

Markus 16:6

Mangkadami joo tokallolo nakua, “Danggi' mimalaja'! Kuissen kumua nnangah kamu' Puang Isa to-Nazaret, to mangka dipampang. Te'damo Ia ntee! Tuo pole'mi Ia. Kitami tee ngenan dinii mbujuhhi.

Lukas 1:13

Apa mangkadai joo malaeka' nakua, “Ee, Zakharia, danggi' mumalaja'! Natarimamo Puang Allataala to passambajangmu. Ia to balimmu la njajianni mesa' pea muane, ammusangai Yahya.

Lukas 1:30

Mangkadami joo malaeka' nakua, “Maryam, danggi' mumalaja', nasaba' napumasannangko Puang Allataala.

Lukas 2:10

Apa mangkadai joo malaeka' nakua, “Danggi' mimalaja'! Ratuna' mpauan kamu' kareba to mpamasannang sininna tau.

Lukas 24:38

Apa nakua Puang Isa, “Matumbari mimalaja'? Matumbai mibata lan penawammi?

Jamanna Rasulu' 27:24

nakuanna', ‘Ee, Paulus! Danggi' mumalaja', sanga la mangngolommu lako Tomaraja Roma! Sininna tomusolan mangkappala' te'dai la matumba, nasaba' kameloan penawan-Na Puang Allataala lako kalemu.’

Pengkitanna Yahya 1:17

Tirokonna' jio olo-Na susi tomate dikita, apa natoena' lima kanan-Na namangkada kumua, “Danggi' mumalaja'! Aku'mo pamulanna sola cappa'na.