Daniel 10:11 - Alkitab Duri

¹¹ Mangkadami joo malaeka' mangrupa tau lako aku' nakua, ‘Ee Daniel, Napakamoja'ko Puang Allataala. Ke'dehmoko mupesa'dingngi tee pepasanku', sanga Nasuana' Puang Allataala ratu lako iko.’ Ia tongkusa'dingmi joo kadanna malaeka', ke'dehna' nambe'beh to ajeku'.

Daniel 10:11 ပူးပေါင်းရင်းမြစ်များ

Daniel 10:19

Mangkadai nakua, ‘Ee Daniel, danggi' mumalaja', Napakamoja'ko Puang Allataala. Danggi' mupussak! Mawatang tonganko!’ Mangkada unapi susi joo kusa'dingngi to kaleku' mawatang pole'. Mangkadamo' kukua, ‘Mangkadamiki' puang, nasaba' kerangnganmi to kamawatanganku'.’

Daniel 10:3

Ia to kande melo te'da kukandei, moi juku' sola anggoro' te'da too mentama anga'ku', te'da toomo kujio'i ulungku' arannai liwa' joo wattu duangpulo mesa allona kunii masussa.

Markus 16:8

Messunmi lan mai joo liang, nata'pa sikinjarasan, nasaba' gaja sabakanni na silajatan tooi. Te'da bang tau napauan apa to mangka jaji, sanga malaja'i. [

Yahya 13:23

Na ia to anak gurun-Na Puang Isa, to liwa' napakamoja', cumadokko jio sa'de-Na.

Yahya 21:20

Ia tonna messaile Petrus lako boko'na, nakitai jio to solana anak guru to napakamoja' Puang Isa. Iamo to cumadokko ngkandoppi' Puang Isa tonna kumande, namekutana kumua, “Oo Puang, indara ia to la mpangpejokkoanki'?”

Jamanna Rasulu' 26:16

Ke'dehmoko! Iamo kupangpekitan kale-Ku' lako iko, nasaba' la kupupenjajiko tompangjamanna'. La mupangpeissenan lako tau apa to mukita tee too sola to apa la kupakitanpoko dau.

Jamanna Rasulu' 9:6

Apa ke'dehmoko tee too ammumale lako joo kota. Jiopa mudipauan apa to sipato' la mupugauk.”