Daniel 1:7 - Alkitab Duri

⁷ Apa nasulleii kapala istana to sanganna Daniel menjaji Beltsazar, Hananya menjaji Sadrakh, Misael menjaji Mesakh, na Azarya menjaji Abednego.

Daniel 1:7 ပူးပေါင်းရင်းမြစ်များ

Daniel 1:19

Lan kasipangkada-kadanna raja sola joo sininna kallolo, nanii nnissenni kumua ia to Daniel, Hananya, Misael na Azarya la'bih macca na ia to kallolo laenna, arannai dipilei tee kallolo appa' mangjama lan istana raja.

Daniel 1:3

Massuami Raja Nebukadnezar lako kapala istana disanga Aspenas, anna pileii ba'tu pira-pira to kallolo jio mai bangsa Israel to dipali', la bati' raja iarika bati' puang.

Daniel 10:1

Ia tonna taun mangpentallunnamo kaparentanna Koresh rajana to-Persia, ratumi pepasan-Na Puang Allataala lako Daniel to disanga too Beltsazar. Tongan joo pepasan mpaui kumua la den kasirarian la'da'. Naparinawa tonganni Daniel joo pepasan, napemanassaii to pengkita ratu lako kalena.

Daniel 2:26

Mekutanai raja lako Daniel, to disanga too Beltsazar, nakua, “Wa'dingrokoka mpauanna' to apa kukita lan tindoku' sola battuananna?”

Daniel 2:49

Apa napeta'dai Daniel, naben tooi raja lako Sadrakh, Mesakh na Abednego to kaparentan lan propinsi Babel, anna balii mangparenta, na ia to Daniel torro ia lan istana.

Daniel 4:5

Arannai den sangbongi tongkumamma' mangtindona', na gaja laja'na' joo tindoku'. Tangnapurapa' penawangku', sanga ia joo pengkita lan tindoku'.

Daniel 4:8

Sanggenna mangngolo lako aku' to tonabarakka'i sininna dewata, iamo Daniel to mpusangai sanganna sala mesa'na dewatangku' disanga Beltsazar, namane' kucuritanni lako joo tindoku' kukua,

Daniel 5:12

Ia joo tau dibarakka'i pangpikkirisan melo, kapaissenan sola kamaccan. Iamo joo namacca mbattuananni tindo, sola macca mpamanassai to apa tangnaissenpa tau na melo pahangna ke denni passalan. Ia joo tau disanga Daniel, nasangai too Beltsazar ambe'ta'. Melo ke ia ditambai nabattuanannii joo pangnguki' jio rinding.”