Daniel 1:5 - Alkitab Duri

⁵ Napattantumo raja to kande la nakande to kallolo to naala bang una raja jio mai kande, to biasa nakande, sola anggoro' to biasa naiso' raja. Nang la diajahhi tallung taun namane' wa'ding mangjama lan istana.

Daniel 1:5 ပူးပေါင်းရင်းမြစ်များ

Kada Bulawan 23:3

Danggi' musokoi to kande marasa napasadia, la naniiri nnissen sipa'mu.

Daniel 1:19

Lan kasipangkada-kadanna raja sola joo sininna kallolo, nanii nnissenni kumua ia to Daniel, Hananya, Misael na Azarya la'bih macca na ia to kallolo laenna, arannai dipilei tee kallolo appa' mangjama lan istana raja.

Daniel 1:8

Ia to Daniel cia'i la kasalan lako Puang Allataala natumang kandena sola anggoro'na raja, sanga ia joo kande sola anggoro' mangkamo dipake massompa lako dewata. Iamo joo, nameta'da lako Aspenas napasadianni kande laen.

Matius 6:11

Benkan kande to kiparalluinna tee allo.

Lukas 1:19

Mebalimi joo malaeka' nakua, “Aku'mo tee Jibrail, pesuro matappa'-Na Puang Allataala, disua mpauanko tee kareba kamarioan.

Lukas 11:3

Benkan kande to kiparalluinna keallo-keallo.

Lukas 21:36

Majaga kamu', mimassambajang, ammimawatang nnoloi sininna to apa la jaji, miwa'ding mangngolo lako Aku', Anak Mentolino.”