Daniel 1:19 - Alkitab Duri

¹⁹ Lan kasipangkada-kadanna raja sola joo sininna kallolo, nanii nnissenni kumua ia to Daniel, Hananya, Misael na Azarya la'bih macca na ia to kallolo laenna, arannai dipilei tee kallolo appa' mangjama lan istana raja.

Daniel 1:19 ပူးပေါင်းရင်းမြစ်များ

Kada Bulawan 22:29

Denmoraka mukitai to tomacca njama jamanna? La dipupangjama llan istanana raja to tosusi joo, te'da namangjama jio bolana tobiasa.

Daniel 1:18

Ia tonna ganna'mo tallung taun to napattantu Raja Nebukadnezar dinii nnajahhii tee sininna kallolo, nasolan ngasanmi Aspenas la male mangngolo lako Raja Nebukadnezar.

Daniel 1:4

Iamo to kallolo te'da caccana, melo rupanna, mandalan pangtangngaranna, macca na buda kapaissenanna dikua anna sipato' mangjama lan istana raja. Massua toomi raja, anna ajahhi Aspenas pangnguki' sola basana to-Babel.

Daniel 1:5

Napattantumo raja to kande la nakande to kallolo to naala bang una raja jio mai kande, to biasa nakande, sola anggoro' to biasa naiso' raja. Nang la diajahhi tallung taun namane' wa'ding mangjama lan istana.

Daniel 1:6

Ia to kallolo, den appa' bati' to-Yehuda, iamo to Daniel, Hananya, Misael na Azarya.

Daniel 1:7

Apa nasulleii kapala istana to sanganna Daniel menjaji Beltsazar, Hananya menjaji Sadrakh, Misael menjaji Mesakh, na Azarya menjaji Abednego.

Daniel 2:13

Nadipangpeissenan joo parenta, na sininna tomacca, moi Daniel sola to soba'na diangah too la dipatei.

Daniel 3:29

Iamo joo kupangparentanni kumua, ia to simesa'-mesa' tau jio mai bangsa, rapu na basa, to mpau kada tangnnangga' Allataala to nasompa Sadrakh, Mesakh na Abednego, la dita'tak-ta'tak na ia to bolana la diro'pokan naditombon menjaji burauk, nasaba' te'da ia dewata la ngkullei mangpasalama' susi to mangka Napugauk Allataala to nasompa.”