Daniel 1:17 - Alkitab Duri

¹⁷ Allataala mbarakka'ii kapaissenan joo appa' kallolo anna macca nnissenni to mangrupa-rupa pangnguki' na mandalan pangtangngaranna lan sininna pangngajaran to diajaranni. Apa ia to Daniel Nabarakka'i pole'pa Allataala kapaissenan la mbattuananni tindo sola mpamanassa pengkita.

Daniel 1:17 ပူးပေါင်းရင်းမြစ်များ

Kada Bulawan 2:6

nasaba' Puang Allataala mbenki' kamaccan, na pole jio mai kadan-Na to kapaissenan sola kamapahangan.

Daniel 1:18

Ia tonna ganna'mo tallung taun to napattantu Raja Nebukadnezar dinii nnajahhii tee sininna kallolo, nasolan ngasanmi Aspenas la male mangngolo lako Raja Nebukadnezar.

Daniel 1:20

Tuli mekutana raja lako tee kallolo appa', ke denni passalan to la mparallui pangtimbangan sola pangtangngaran mandalan. Arannai naissen raja kumua manglokkon pessangpulo la'bih melo to pangngampa'na joo Daniel sola soba'na na ia to pangngampa'na topaissen-issen na tomangbaca-baca lan sininna kaparentanna.

Daniel 1:4

Iamo to kallolo te'da caccana, melo rupanna, mandalan pangtangngaranna, macca na buda kapaissenanna dikua anna sipato' mangjama lan istana raja. Massua toomi raja, anna ajahhi Aspenas pangnguki' sola basana to-Babel.

Daniel 10:1

Ia tonna taun mangpentallunnamo kaparentanna Koresh rajana to-Persia, ratumi pepasan-Na Puang Allataala lako Daniel to disanga too Beltsazar. Tongan joo pepasan mpaui kumua la den kasirarian la'da'. Naparinawa tonganni Daniel joo pepasan, napemanassaii to pengkita ratu lako kalena.

Daniel 2:19

Ia bang unamo joo bongi, Napangpekitanni Allataala lako Daniel lan mesa' pengkita to apa membuni lan joo tindo. Iamo joo na mpakala'bih Allataala jao suruga to Daniel

Daniel 2:21

Iamo mpattantu sininna wattu. Ia toomo nnangka'i sola mpasoro'i to tomakuasa. Ia toomo mbenni kapaissenan sola kamapahangan lako tomacca.

Daniel 2:23

Oo Allataala to nasompa tojoloku', kupuji-Ki', kupakala'bih too-Ki', nasaba' Tabenmo' kapaissenan sola kamawatangan. Tatarimami to peta'danki'. Na mangkamokan Tapakitan to apa la kipebalian raja.”

Daniel 2:30

Ia tee apa tangkaissenan, mangkamo dipamanassa lako aku', te'da to kumua la'bih maccana' na tolaen, apa dikua antawa'ding nnissenni battuananna joo tindota', antapahang tooi to apa tapikkiri'.

Daniel 4:6

Iamo joo kupasun parenta lako sininna tomacca lan tana Babel naratu mangngolo lako aku' dikua napauanna' battuananna joo tindoku'.

Daniel 5:14

Kuissenmo kumua gaja nabarakka'iko dewata, arannai melo pangpikkirisanmu, kamaccanmu sola kapaissenanmu.

Daniel 7:1

Ia tonna taun pamulanna nanii mangparenta to Raja Belsyazar jio Babel, den sangbongi namangtindo Daniel. Ia tonna mamma' ngkitai pengkita to pole jio mai Allataala. Mangkai joo too nauki'mi Daniel to dipakitanni susi tee,

Daniel 8:1

Ia tonna taun mangpentallunnamo Raja Belsyazar mangparenta, ia tee aku' Daniel, napakitan pole'na' pengkita Allataala.

Lukas 21:15

Aku' kalena la mben kamu' kapaissenan umbo mikua la mebali, anna te'da nakullei ewalimmi mbalii iarika mpasalai apa to mipau.

Jamanna Rasulu' 6:10

apa te'da nakullei ncau' kadai, sanga Roh Allataala mbenni kamaccan mangkada.

Jamanna Rasulu' 7:10

anna tulungngi ke masussai. Nabenni barakka' sola kamaccan tonna mangngolo lako Firaun, Raja Mesir, anna angka'i menjaji gubernur jio, napakuasa tooi lan salassa'na.

Jamanna Rasulu' 7:22

Sininna kamaccanna bangsa Mesir diajaranni, arannai pacau' la lan buangan kada la lan sipa'na.

Kolose 1:9

Iamo joo tongkisa'dingngi to apa jaji lako kalemi, kipassambajangan tarruh kamu' lako Puang Allataala, kumua ammisannissen-nissennai to pakkaeloran-Na ammiampa' tooi to sininna kapaissenan to pole jio mai Roh Allataala.

Yakub 1:17

Sininna to apa melo na te'da caccana pole jao mai suruga, nabenki' Puang Allataala, to mpaden allo, bulan sola bintuin jao langi'. Te'da natibalik to sipa'-Na Puang Allataala na tatta' too to akkatta-Na.

Yakub 1:5

Ia ke den kamu' tangpadete' tangngahmi, la meta'da kamu' lako Puang Allataala nabenni kamu', sanga malaboh na masannang penawan-Na mangpabengan lako sininna tau.