Amos 8:3 - Alkitab Duri

³ Ia joo wattu ia to kelong lan bola passambajangan la menjaji bating, nasaba' umbo-umbo nanii silentenan to batang rabuk naca'bean buni tau.” Susimi joo kadan-Na PUANG Allataala.

Amos 8:3 ပူးပေါင်းရင်းမြစ်များ

Amos 4:10

Mangkada-I Puang Allataala Nakua, “Mangka-Mo' mpakannai kamu' saki mematean, susi to Kupakannan to-Mesir. Matei lan kapararian to tomalolle'mi, na ia to nyarang napake dirampai. Na ia to minii mangtenda ponno bau tomate, naliwa' gaja bau. Apa moi nasusi joo, te'da unapa mibalik lako Aku'.” Susimi joo kadan-Na PUANG Allataala.

Amos 5:16

Mangkada-I PUANG Allataala to makuasa Nakua, “La mbating to tau jio pasa', sumarro sikumillakan to tau jio lalan, sanga massei. Na ditambai to pangdusung sola tomacca mbating, mbatingngi kamu'.

Amos 5:23

Soro'ii tuu kelong passompamu to metaruan. Cia'-Na' ssa'ding pangcu'bekanmu.

Amos 6:4

Macilaka kamu' saba' mamma'-mamma' bang kamu' jao katindoan liwa' ballo mimukkun too ngkande juku' anak bembala' sola juku' anak sapin.

Amos 6:5

Mikabudai ngkabua' kelong susi to napugauk Raja Daud, apa ia to mipukelong mpake cu'bekan, kelong tangkebattuan.

Amos 6:8

Massapah-Hi PUANG Allataala to makuasa mpau kale-Na Nakua, “Liwa' Kukaba'ci to kamatampoanna to-Israel. Na te'da Kupumasannangngi to istana ballona. La Kueloran to ewana ngkuasai kota lompona sola sininna to lan kota.”

Amos 8:10

Ia to pangramean kamasannanganmi la Kupupenjaji kamasussan kamatean na ia to kelongmi la menjaji bating. La Kusessa ngasan kamu' mimanggalettung mimangpakean karung tandana kumua masussa kamu'. La susi kamu' to mbatingngi kamateanna anak mesa, arannai ia joo wattu menjaji allo kamasussan to liwa' memassean.”