Amos 6:3 - Alkitab Duri

³ Ee kamu' to macapa', misangari kumua ia to wattu pangsessa la masainpa, apa panggaukanmi napusaba' namadoi' ratu to pangsessa lako kalemi.

Amos 6:3 ပူးပေါင်းရင်းမြစ်များ

Amos 3:10

Mangkada-I PUANG Allataala Nakua, “Ia to tau mpake kamaparranganna rrampa ewanan, na patamai istana. Ia to tau te'da lalo kamarurusan napugauk.

Amos 3:9

Pauanni to tau to torro lan benteng jio kota Asdod na benteng jio tana Mesir kumua, “La sirempun kamu' jao sininna buntu siandah Samaria, mikitai to tomangrampa najaji to kamarongkan la'da' jio.”

Amos 5:12

Kuissen kumua, liwa' buda kagajatan sola dosa mipugauk. Mpasala kamu' to maruruh penawanna, mimadoang too disede doi', arannai te'da mimaruruh rra'tah kara-karana to tokaasi-asi.

Amos 5:18

Macilaka kamu' to tontajan allo karatuan-Na PUANG Allataala rra'tah kara-karana tolino, sanga te'da bua'na lako kalemi. Ia joo wattu menjajiri pangsessa lako kamu', tangngia allo kamasannangan.

Amos 6:12

Te'da nakullei to nyarang kinjara' jao buntu batu, te'da too tau ngkullei ntengko tasik mpake sapin. Susi toomi joo ke mpasibalikan kamu' kamarurusan sola katonganan menjaji tangtongan, wa'ding napumate tau.

Amos 9:10

Den tomadosa lan tangnga-tangngana umma'-Ku' mangkada kumua, ‘Te'da Nalanneloranki' Puang Allataala nakanna abala'.’ Apa sitonganna la dipatei ngasan lan kapararian.”

Matius 24:48

Apa ia ke masa'ga'i joo kaunan, la mangkadai lan penawanna,

1 Tesalonika 5:3

Den wattu nalamangkada to tau kumua, “Masannangmiki', te'damo tamalaja'”. Na iamora joo wattu nata'pa mperasai to pangsessa, na te'da nakullei palai. Ia joo pangsessa te'da nadikalannai, susi wattunna mesa' baine mangnguriwa' la keanak.

2 Petrus 3:4

nakua kumua, “Napau Puang kumua la ratui, na umbomira? Te'da kikatappa'i sanga budamo to bungah pekaamberan jamaa mangka mate, na te'da lalo namembali tee lino. Sipamulanna napaden Puang Allataala tee lino susi ngasan unai ratu lako too allo.”

Pengkitanna Yahya 18:17

Apa sangjangra nata'de ngasan to kasugiranna.” Sininna to tonnangah katuoan jiong tasik, susinna tompamale kappala', pangkappala', na pangjama kappala' ke'deh mambela bang.