Amos 2:8 - Alkitab Duri

⁸ Namamma' lan bola passambajangan mpennampah pakean to napangpetannian tokaasi-asi, na lan bola to nanii ssompa Allataala nanii mangiso'-iso' anggoro' to narampa jio mai tonapaindanni.

Amos 2:8 ပူးပေါင်းရင်းမြစ်များ

Amos 3:14

Ia to wattu Kunii ssessa to-Israel, saba' dosana, la Kupasiancuru'i sininna ngenan pangkaroban jio Betel na sile'toan to potokkona arannai polloh do' litak.

Amos 4:1

Pesa'dingii, ee kamu' baine to-Samaria, to makuttu na siloppokan susi sapin Basan. Misessa to tokaasi-asi, mipakario-rio to toparallu ditulung, misua to muanemi mpasadia pangngiso' melangoan mimangngiso' sola mpesannangngi kalemi.

Amos 6:4

Macilaka kamu' saba' mamma'-mamma' bang kamu' jao katindoan liwa' ballo mimukkun too ngkande juku' anak bembala' sola juku' anak sapin.

Amos 6:6

Miponnoi anggoro' to busu mimangngiso' samosomi, mipuminynyak minynyak kaminang melo, apa te'da mipumasussai to kamasolanganna to-Israel.

1 Korintus 10:21

Te'da lalo miwa'ding nniso'ii cangkiri'-Na Puang, ammilanniso'i too cangkiri'na setang. Te'da too miwa'ding kumande jio meja-Na Puang, ammilakumande too jio mejana setang.

1 Korintus 10:7

Susi too to kumua danggi' misompa dewata susi to napugauk tuu lako tau pira' tonna anu'. Den diuki' lan Sura' Allataala kumua, “Kumandei, mangngiso', namane' manggellu' ssompa dewata.”

1 Korintus 8:10

Susi tee to kusanga. Ia ke kamu' to buda kapaissenanmi kumande jio to dinii mpakande dewata, naden to tositawa-tawapa penawanna ngkita kamu', tantu madoang todai la ngkandei.