Amos 2:4 - Alkitab Duri

⁴ Mangkada-I PUANG Allataala Nakua, “Ia to to-Yehuda pembuda bangmo mpugauk kagajatan, iamo joo nang la Kusessai. Nasaba' te'da lalo naangga'i to atoran-Ku' na cia' too mpugaukki to parenta-Ku'. Mangkai napalao sala dewata te'da bua'na to nasompa tojolona.

Amos 2:4 ပူးပေါင်းရင်းမြစ်များ

Amos 1:3

Mangkada-I PUANG Allataala Nakua, “Ia to to-Damsyik pembuda bangmo mpugauk kagajatan, iamo joo nang la Kusessai. Nasaba' gaja maparrang ssessa to-Gilead napandasa-dasa tonganni susi pare dilullu'.

Amos 3:2

“Kamu' mandara bangsa to Kuparinawa tarruh. Kupilei kamu' jio mai sininna bangsa lan lino. Iamo joo Kulasessa kamu', nasaba' sininna dosami.”

Roma 1:25

Napasullei pangngajaran tangtongan to pangngajaran tongan jio mai Puang Allataala. La'bih nakabudai to ssompa pangpajajin-Na Puang Allataala, na ia to ssompa Puang Allataala to mpajajii. Na Puang Allataalara to sipato' disompa te'da cappa'na! Amin.

1 Petrus 1:18

Napukaunan kamu' jolo to sipa' te'da bua'na to mimanah jio mai tojolomi. Miissen to apa mangka napake Puang lla'bak kamu' ammikullei mpatorro sipa' jolomi. Ia to pela'bak tangngia ewanan la masolang, susinna pera' ba'tu bulawan,