Amos 2:1 - Alkitab Duri

¹ Mangkada-I PUANG Allataala Nakua, “Ia to to-Moab pembuda bangmo mpugauk kagajatan, iamo joo nang la Kusessai. Te'da lalo naangga'i to rajana to-Edom, nasaba' nakalii to lamunanna, naalai to bukunna natunui arannai mengkapuh.

Amos 2:1 ပူးပေါင်းရင်းမြစ်များ

Kada Bulawan 15:3

Nakita Puang Allataala to apa jaji jio sininna ngenan, Napemataii to tomelo penawanna na togaja' panggaukanna.

Amos 1:11

Mangkada-I PUANG Allataala Nakua, “Ia to to-Edom, pembuda bangmo mpugauk kagajatan, iamo joo nang la Kusessai. Te'da napaja ssessai to to-Israel, na sile'tona bang una. Naula' pa'dangngi, na nakaba'ci tarruh ratu lako matena.

Amos 1:13

Mangkada unapi PUANG Allataala, Nakua, “Ia to to-Amon pembuda bangmo mpugauk kagajatan, iamo joo, nang la Kusessai. Nasaba' ia tonna mangrari la mpemaluahhi kaparentanna, gaja buda to to-Gilead napatei, moi to baine keba'tang naballakki to ba'tangna.

Amos 1:3

Mangkada-I PUANG Allataala Nakua, “Ia to to-Damsyik pembuda bangmo mpugauk kagajatan, iamo joo nang la Kusessai. Nasaba' gaja maparrang ssessa to-Gilead napandasa-dasa tonganni susi pare dilullu'.

Amos 1:6

Mangkada-I PUANG Allataala Nakua, “Ia to to-Gaza pembuda bangmo mpugauk kagajatan, iamo joo nang la Kusessai. Nasaba' ia tonna mangka mangrari to to-Gaza na patalo, ia to tonatalo jio mai pira-pira kampong nabalukki lako to-Edom napukaunanni.

Amos 1:9

Mangkada-I PUANG Allataala Nakua, “Ia to to-Tirus pembuda bangmo mpugauk kagajatan, iamo joo nang la Kusessai. Nasaba' tangnaingaranmi to bassena kumua te'da na la siewa sola kampong laen na ia tonna mangka rrarii na patalo, ia to tonatalo jio mai pira-pira kampong nabalukki lako to-Edom napukaunanni.

Amos 2:4

Mangkada-I PUANG Allataala Nakua, “Ia to to-Yehuda pembuda bangmo mpugauk kagajatan, iamo joo nang la Kusessai. Nasaba' te'da lalo naangga'i to atoran-Ku' na cia' too mpugaukki to parenta-Ku'. Mangkai napalao sala dewata te'da bua'na to nasompa tojolona.

Amos 2:6

Mangkada-I PUANG Allataala Nakua, “Ia to to-Israel pembuda bangmo mpugauk kagajatan, iamo joo nang la Kusessai. Nasaba' nabalukki to tokaasi-asi to maruruh penawanna, sanga tangnakullei mbajah indanna, moi na siangga'ra pealli ce'la.