3 Yahya 1:2 - Alkitab Duri

² Ee, tokupakamoja'! Massambajangna' ammumalagah-lagah bang na te'da apa mukasussai, susi too penawammu masannang.

3 Yahya 1:2 ပူးပေါင်းရင်းမြစ်များ

Matius 9:12

Nasa'ding Puang Isa to pekutananna, napebalii nakua, “Ia to tomalagah te'da naparallui tomangjampi, apa to tomasakira mparallui tomangjampi.

Filipi 2:27

Masaki tonganni ia, na garapai mate. Apa nakamaseii Puang Allataala, na te'da na ia manda nakamasei apa moi aku', dikua nadanggi' kusamaparri'-parri'na.

Filipi 2:4

Na danggi' na ia manda to kaparalluan mesammi miangah, apa la miangah too to naparalluinna tau laen.

2 Tesalonika 1:3

Ee, tomala'bihku'! Tuli mangkurru sumanga'kan lako Puang Allataala nasaba' kamu'. Ia tee sipato' ke kipugaukki nasaba' samatappa'-tappa'mimo lako Puang Isa Almaseh mipede' sipakamoja' too.

2 Tesalonika 2:13

Ee, tomala'bihku' to napakamoja' Puang Isa! Tuli mangkurru sumanga'kan lako Puang Allataala nasaba' te'dapa nadipaden tee lino napilei jolomo kamu' Puang Allataala la napasalama'. Dipasalama' kamu', nasaba' kuasan-Na Roh Allataala mpilei kamu', napupenjaji kamu' tau mesan-Na, mikatappa'i tooi to pangngajaran tongan jio mai Puang Allataala.

Yakub 5:12

Ee, tomala'bihku'! Ia to kaminang parallu danggi' mimassapah la mpau langi', la mpau lino, ba'tu apa toomo. Pau maruruhhi, “Io” ke mipugaukki, na “Te'da” ke te'da mipugaukki, anna danggi' nasessa kamu' Puang Allataala.

1 Petrus 4:8

Na ia to kaminang parallu, la mattongan-tongan kamu' sipakamoja', ammisisulle sidampangan.

2 Petrus 3:18

Apa la pena' mperasai kamu' kameloan penawan-Na Puangta' Puang Isa Almaseh, Tomangpasalama'ta', ammisannissen-nissennai. Pakala'bihmi tee too, ratu lako te'da cappa'na! Amin. Sallangki' mati', Petrus,

3 Yahya 1:1

Ee, tomala'bihku' Gayus to kupakamoja'! Aku' Yahya, mesa' pekaamberan jamaa nnuki'i tee sura' lako iko to kupakamoja' tongan.

Pengkitanna Yahya 2:9

Kuissen to kamasussanmi na kamakario-rioanmi apa sitonganna sugih kamu'. Kuissen too to kada gaja' to naanggasan kamu' tuu mati' to ssanga kalena to-Yahudi apa te'da natongan, sanga umma'na ia Ballisi'.