3 Yahya 1:12 - Alkitab Duri

¹² Ia to Demetrius napau melo ngasan tau, moi Puang Allataala mpau melo tooi. Na moi kami' kipau melo too, na muissen kumua tongan to apa kipau.

3 Yahya 1:12 ပူးပေါင်းရင်းမြစ်များ

Yahya 19:35

Ia to tongkitai joo apa jaji, iamo ncuritai, ammimatappa' toda. Na tongan joo kadanna, na naissen kumua tongan to napau.

Yahya 21:24

Iamo tee to anak gurun-Na mpangpeissenanni to sininna tee kajajian, na ia toomo mangka nnuki'i. Na taissen kumua tongan ngasan to apa napau.

Jamanna Rasulu' 10:22

Nakua mebali, “Nasuakan Kamandang Kornelius ratu inde'. Ia mesa' tomelo, to ssompa Puang Allataala, nakasiri' sininna to-Yahudi. Mangka nasua malaeka'-Na Puang Allataala mpeta'dako male lako bolana, dikua nasa'dingngi apa to la mupauanni.”

Jamanna Rasulu' 22:12

Den mesa' tau jio disanga Ananias. Tomatappa' tongan joo tau na tatta' mpugauk atoranna Nabi Musa. Sininna to-Yahudi to torro jio kota Damsyik ngkasiri'i.

Jamanna Rasulu' 6:3

Jaji melo ke mpilei kamu' pitu tau lan mai tangnga-tangngami to todikasiri', tomelo pangtangngaranna nakuasai too Roh Allataala. Iamo la kiangka' nnurusu'i tee,

1 Tesalonika 4:12

Ia ke susimi joo to sipa'mi, te'damo mimangpenanda bang lako tolaen. Na ia to totangmatappa' lako Puang Isa la ngkasiri' kamu'.

1 Timotius 3:7

La nakasiri' too tobuda, nasaba' ia ke te'dai nasusi joo, la napau gaja' tau, anna kuasaii Ballisi'.