3 Yahya 1:11 - Alkitab Duri

¹¹ Ee, tokupakamoja'! Danggi' muturu'i to apa tangmelo, apa iara to melona. Ia to tompugaukki to melona, taun-Na ia Puang Allataala. Apa ia to tompugaukki to tangmelona, to tangnnissenpa ia Puang Allataala.

3 Yahya 1:11 ပူးပေါင်းရင်းမြစ်များ

Kada Bulawan 12:11

Ia to pangdusung bassa' tongan mpusara bara'bahna, te'da nakakurangan kande, apa ia to tote'da akkalanna tangmpake melo wattunna.

Yahya 10:27

Nasa'ding bembala'-Ku' to gamarang-Ku'. Na kuissenni, naundi ngasanmi lako Aku'.

Yahya 12:26

Inda-inda kamu' to madoang mpangjamanna', la undii lako Aku', anna umbo-umbo kunii male, jio todai. Ia to tompangjamanna' la naangga' Ambe'-Ku'.”

Yahya 3:20

Ia to tompugauk panggaukan gaja' nakaba'ci to arrang. Iamo nate'da naratu jio to nanii arrang, nakua nate'da nakitai tau to panggaukan gaja'na.

1 Korintus 11:1

Turu'i to panggaukanku', susi aku' nturu' panggaukan-Na Almaseh.

1 Korintus 4:16

Iamo joo kupangngingaran kamu' dikua anna aku' miala palelean mata.

Efesus 5:1

Turu'i to sipa'-Na Puang Allataala, nasaba' kamu'mo anak napakamoja'.

Filipi 3:17

Ee, tomala'bihku'! La mialai palelean mata to sipa'ku'. Mituru' todai sipa'na to tonnalakan palelean mata.

1 Tesalonika 1:6

Kiissen kumua napileimo kamu' Puang Allataala, nasaba' mialamo palelean mata to Puang Isa, miala toomokan palelean mata. Jaji, moi miliwa' dipakario-rio, nasaba' mitarimai to Kareba Kasalamatan, da'tan kamu' mperasai to kamarioan pole jio mai Roh Allataala.

1 Tesalonika 2:14

Ee, tomala'bihku' sola ngasan! Kiissen kumua mitarimamo to kadan-Na Puang Allataala, sanga ia to apa jaji lako jamaa-Na Puang Allataala jio tana Yudea, to matappa' lako Puang Isa Almaseh, ia toomo jaji lako kamu'. Padammi bang una to-Tesalonika mpa'dikki kamu'. Susi toomi to jamaa jio tana Yudea napa'dikkii too padanna to-Yahudi.

2 Timotius 3:10

Apa ia to iko muturu'imi to pangngajaranku', sipa'ku', na ia to patunna katuoanku'. Iko ngkitai matumba kamatapparanku' lako Puang Isa Almaseh sola pangpakamoja'ku' lako padangku' rupa tau, na muissen toomo to kasabbarasanku' sola kamawatanganku' lan kamaparrisan.

Ibrani 6:12

Cia'kan ke memmakuttu kamu'. Apa madoangkan kumua miala palelean matai to tomatappa' lako Puang Allataala, anna sabbara' ntajanni sanaampa'na to apa nabasseanni Puang Allataala.

1 Petrus 3:11

La natorroi mpugauk kagajatan, napugaukki to kameloan. La napengkulle-kullei sikalino padanna rupa tau,

1 Petrus 3:13

Te'da tau la mpugauk kagajatan lako kamu' ke masannang bang kamu' mpugauk kameloan.

1 Yahya 2:29

Miissenmo kumua, ia to Almaseh nturu' pakkaeloran-Na Puang Allataala. Iamo joo la parallu too miissen kumua ia to tonturu' pakkaeloran-Na, napuanak Puang Allataala.

1 Yahya 3:10

Inda-inda to te'da nampugauk pakkaeloran-Na Puang Allataala ba'tu te'da nampakamoja' padanna tomatappa', te'da napuanakki Puang Allataala. Iamo joo mpamanassai indara to napuanak Puang Allataala na inda to napuanak Ballisi'.

1 Yahya 4:1

Ee, tomala'bihku' to kupakamoja'! Danggi' mikatappa'i ngasan bangngi to tomangngaku nnampui Roh Allataala, apa pemanassai jolo' kumua Roh Allataala tonganmoraka to naampui, ba'tu tangngiaraka. Nasaba' budamo nabi tangtongan male bang llelei tondok.