2 Yahya 1:3 - Alkitab Duri

³ Dennaa upa' nabarakka'iki' nakamasei tooki' Ambe' Puang Allataala sola Puangta' Puang Isa Almaseh, Anak Allataala, nabenki' kamasannangan, antaissenni to pangngajaran tongan tasipakamoja' too.

2 Yahya 1:3 ပူးပေါင်းရင်းမြစ်များ

Roma 1:7

Iami joo na aku' Paulus nnukiran kamu' tee sura' mati'. Dennaa upa' nabarakka'i kamu' Ambe'ta' Puang Allataala sola Puang Isa Almaseh, naben kamu' kamasannangan.

Galatia 5:6

Ia ke sirapumiki' Puang Isa Almaseh, te'damo silaenanna todisunna' ba'tu totangdisunna'. Apa ia to parallu, iara to kamatapparan lako Puang Isa Almaseh, to napamanassa kasipakamojatanta' padanta' rupa tau.

1 Timotius 1:14

Napakabuhhina' kameloan penawan-Na Puangta', to mpupemmatappa'na' lako kale-Na, angkupakamoja' padangku' rupa tau. Ia joo napugauk Puang lako kita' sola ngasan, tontamesa' penawamo sola Puang Isa Almaseh.

2 Timotius 1:13

La mupangpangngajaran to pangngajaran tongan to mangka kuajaranko, mutatta' too matappa' sola mangpakamoja', nasaba' mesa' penawamoko sola Puang Isa Almaseh.

1 Yahya 4:10

Iamo tee to pangpakamoja'. Te'da na kita' mpakamoja' Puang Allataala, apa Iara mpakamoja'ki', nasuai to Anak menjaji karoba mpasikalinoki' Puang Allataala anna wa'ding ndampanganki' to tomadosa.

2 Yahya 1:1

Tomala'bihku' to kupuindo' sintong anak! Indo' to napileimo Puang Allataala, na anakkami to kupakamoja' tongan. Na te'da na aku' manda, apa ia ngasan to tau nnissenmo pangngajaran tongan mpakamoja' too kamu', sanga matappa' kamu' lako joo pangngajaran tongan ammituru' tarruhhi. Aku' Yahya mesa' pekaamberan jamaa nnuki'i tee sura'.