2 Yahya 1:12 - Alkitab Duri

¹² Gaja budapa to parallu la kupauan kamu', apa mbai la'bih melo ke danggi' omo nadiuki'. Ia ke den naeloranna' Puang la malena' mati', tasipangkada-kada antamario tongan.

2 Yahya 1:12 ပူးပေါင်းရင်းမြစ်များ

Yahya 15:11

Kupauan ngasanmo kamu' tee, ammisamasannang-sannangna susi Aku'.

Yahya 16:12

Budapa to la kupauan kamu', apa te'dapa mikullei mpahangngi.

Yahya 16:24

Naratu lako too allo, te'dapa mipeta'dai to apa lako Ambe' mpau sangang-Ku'. Peta'dai ammidiben, nasukku' to kamasannanganmi!”

Yahya 17:13

Na ia tee too la polemo' lako Ambe'. Kupau ngasanni tee tongkulan unapa lino, anna wa'ding liwa' masannang tuu lako taun-Ta' susi Aku' masannang.

Yahya 3:29

Susinna jio pangmaroasan tobotting, tobotting muane ia to majao, sanga ia puangna tobotting baine. Ia to soba'na mesa' ke'deh nasikandoppitan, liwa' sannang ssa'dingngi to gamaranna tobotting muane. Ia tee aku' susira' soba'na tee tobotting muane. Liwa'na masannang tee too, nasaba' budamo tau ratu lako Puang Isa.

Roma 15:24

Jaji, ia ke malena' lako tana Spanyol nnola kota Roma, madoangna' la leppang mati' jolo'. Ia ke mangkamiki' mpaliu mali'ta', melo ke mitulungna' mpatarruh kalingkanku' lako tana Spanyol.

2 Timotius 1:4

Kuingaran tonna gaja masse penawammu. Iamo joo kugaja doang ssikitanko, angkula'bih mario.

Filemon 1:22

Mepasan toona' kumua mupasadianna' ngenan iti' bolamu, nasaba' kukanassai kumua la natarima Puang Allataala to peta'da doangmi sola ngasan, kuwa'ding pole mati' tatorro sola.

Ibrani 13:19

Kupeta'da tongan ammipellao doanganna' anna madoi' Puang Allataala nneloranna' male mati'.

Ibrani 13:23

La miissen kumua dila'paranmi to Timotius padanta' tomatappa' lan mai pangtarungkuan. Ianna madoi' ratu inde', la kusolan ke malena' mati' ssikitan kamu'.

1 Yahya 1:4

Kiuki'ii tee kikua antapada ngasan mario.

3 Yahya 1:10

Ratupa' mati', kupau ngasanni to panggaukan gaja'na, iamo to naanggasankan kada. Te'da na ia manda joo, apa ia tonna ratu to padanta' tomatappa', cia'i ntarimai, kannori naanggai to tau madoang ntarimai, napasunni lan mai jamaa.