2 Timotius 4:2 - Alkitab Duri

² ammupangpeissenanni to Kareba Kasalamatan lako tau, madoangrika ba'tu cia'rika, na la mupakainga' na mupapahangngi tooi to kasalanna. Apa la mupaendek tooi sumanga'na na musabbara' nnajahhii.

2 Timotius 4:2 ပူးပေါင်းရင်းမြစ်များ

Yunus 3:2

nakua, “Ta'pa maleko lako kota lompo Niniwe, mupauanni to tau jio to parenta mangka Kupauanko.”

Lukas 7:23

Masannang tongan to tau tangmenassan ntarimana'.”

Lukas 7:4

Ia tonna sitammumo Puang Isa, memmasei nakuanni, “Ee Puang, sipato' tatulung joo komandan,

Lukas 9:60

Apa mebalimi nakua, “Ake'mo na tomatemora llamun tomatena. Apa maleko mpangpeissenanni kumua la ratumi Puang Allataala mangparenta susi Raja.”

Jamanna Rasulu' 13:5

Ia tonna ratu lako kota Salamis jio pulau Siprus, mpangpeissenanni kadan-Na Puang Allataala lan bola passambajangan to-Yahudi. Den todai Yahya Markus to nasolan mbalii.

Jamanna Rasulu' 16:13

Ia tonna Allo Katorroan kimale do' randan sa'dan salean babangan kota, nasaba' kisangai iamo joo nanii sirempun to-Yahudi massambajang. Cumadokkomokan sipangkada-kada to baine sirempun jio.

Jamanna Rasulu' 20:7

Ia tonna bongi Aha' sirempunkan kumande sola mpugauk Kakumandean Macero. Mangkada tarruhhi Paulus mangngajahhi ratu lako tangnga bongi, sanga madoangngi la male masawanna.

Jamanna Rasulu' 28:16

Ia tongkiratumo lako kota Roma, dipatorro mesai to Paulus najagaii mesa' surudadu.

Roma 10:15

Na umbo la nakua tau mpangpeissenanni to Puang ke te'da nadisua mpangpeissenanni? Den diuki' lan Sura' Allataala kumua, “Liwa' melona karatuanna to tomale mpangpeissenan Kareba Kasalamatan jio mai Puang Allataala.”

Roma 12:12

Pesannangngii penawammi nasaba' tomangrannuan kamu' lako Puang Allataala. Sabbara' kamu', ke nakanna kamu' kamasussan, ammimassambajang tarruh bang.

Galatia 6:6

Ia to tontarima pangngajaran-Na Puang Isa Almaseh, pada la natawa-tawai barakka'na sola gurunna.

Kolose 1:25

Menjajina' tompangjaman tomatappa' tonna pabarakkannina' Puang Allataala jaman mpangpeissenanni lako kamu' bangsa tangngia to-Yahudi to kadan-Na Puang Allataala,

Kolose 4:3

Passambajangankan, anna benkan wattu Puang Allataala mpangpeissenan akkatta-Na, to jolona tangnaissenpa tau, to napugaukmo Almaseh. Na iamora joo kuditarungku.

1 Tesalonika 1:6

Kiissen kumua napileimo kamu' Puang Allataala, nasaba' mialamo palelean mata to Puang Isa, miala toomokan palelean mata. Jaji, moi miliwa' dipakario-rio, nasaba' mitarimai to Kareba Kasalamatan, da'tan kamu' mperasai to kamarioan pole jio mai Roh Allataala.

1 Tesalonika 5:14

Ee, tomala'bihku' sola ngasan! Meta'da tookan ammipangkadai rampa'i to tomakuttu mangjama. Pamasumanga'i to tomalaja'. Tulungngi to toparallu ditulung. Sabbara' kamu' lako sininna tau.

1 Tesalonika 5:20

Danggi' too micapa'i to kada napasan Roh Allataala,

1 Timotius 4:13

Ianna te'dapa kuratu mati', la muajahhi to tau, na mubacanni to Sura' Allataala mupamanassan tooi.

1 Timotius 5:20

Ia to tau mpugauk dosa la dipakainga' jio olona jamaa, dikua namalaja' to tau laen.

2 Timotius 2:21

Susi todami to tau, den tomelo na den totangmelo. Ia ke te'dami napugauk kagajatan, mattantumo ia to dinii mpakei. Iamo dipasadia napake puangna jio mangrupa-rupa pangjaman melo.

2 Timotius 2:25

na mpangkadai rampa' tobatta'. Dennaa upa' naben unapi wattu Puang Allataala to tau susi joo namengkatoba' jio mai dosana anna issenni to pangngajaran tongan.

2 Timotius 3:10

Apa ia to iko muturu'imi to pangngajaranku', sipa'ku', na ia to patunna katuoanku'. Iko ngkitai matumba kamatapparanku' lako Puang Isa Almaseh sola pangpakamoja'ku' lako padangku' rupa tau, na muissen toomo to kasabbarasanku' sola kamawatanganku' lan kamaparrisan.

Titus 1:13

Tongan bang to napau joo nabi. Iamo joo, la mupakainga' meloi joo to-Kreta, dikua anna turu'i to pangngajaran tongan,

Titus 2:15

Pangpangngajaran ngasanni joo. La matongkoko mangpamasumanga' sola mpakainga'i to tompesa'dingngiko. Danggi' naden tau ntunaiko.

Ibrani 13:22

Kupeta'dai misabbara' ntarimai tee pangpakainga'ku', sanga te'da namalando tee sura'ku'.

Pengkitanna Yahya 3:19

Ia to tokupakamoja' kutarrusan bang kukuan ba'tu kupekaju. Iami joo pemaringngannimi penawammi mimengkatoba' jio mai dosami.