2 Timotius 3:3 - Alkitab Duri

³ Te'da nakamasei padanna rupa tau, cia' mangdampangan, nakabudai mpau gaja' tau laen, mangparuku, masa'ga', na tangnakabudai to kameloan.

2 Timotius 3:3 ပူးပေါင်းရင်းမြစ်များ

Daniel 8:23

Mpatarruhhi kadanna Jibrail nakua, “Ia na la cappa'mo to karajaan mangparenta, buda tau la mpugauk panggaukan to liwa' gaja'. Na den pole' mesa' raja to gaja parrang namacca mangnguraga.

Matius 10:21

La nakaba'ci kamu' buda tau, nasaba' mikatappa'ina'. Na la jaji susi tee, tomassile'to mpangpebunoan sile'tona. Susi toda ambe' lako anakkana. Anak nnewa tomatuanna, napangpebunoanni. Apa ia to tomatappa' tarruh ratu lako ssalainna lino la dipasalama'.

Matius 4:1

Mangkai joo too, napatujumi Roh Allataala to Puang Isa namale de' tangnga padang pallawangan, dikua anna pengkulle-kullei nasede Ballisi' mpugauk dosa.

Lukas 10:16

Nakuamo Puang Isa lako tonturu'i, “Ia to tau mpesa'dingngi kamu', padamo to Aku' napesa'dingngi. Ia to tote'da natarima kamu', padamo to Aku' te'da natarimai. Na ia to totangntarimana', padamo to Puang Allataalara, to ssuana', te'da natarimai.”

Lukas 16:14

Den to-Farisi ssa'dingngi apa to napau Puang Isa, napetawai-tawaii, nasaba' gaja pangdoi' ngasanni.

Yahya 6:70

Mebalimi Puang Isa nakua, “Aku'ra to mpilei kamu' tee tau sangpulo dua. Apa den mesa' tonatamai setang lan tangnga-tangngami.”

Roma 1:29

Kagajatan mandamo lan penawanna na apa tangtongan, madoang nnassang sininna apa, tangngah gaja' na masere ati, madoang bang mangbuno, sibobo', mangnguraga, na malla' parru. Nakabudai ncurita tangtongan tau laen,

Roma 1:31

buta pangtangngaranna, te'da natoe tongan kadanna, tompatuo mesa kalena, te'da namamase lako padanna rupa tau.

1 Korintus 7:5

Danggi' micia' mamma' sola balimmi. Wa'ding una ke te'dai nalamasai, assalan misitujuimi sola dua, anna den wattummi massambajang lako Puang Allataala. Ianna dete'mi to wattu misitujui, pole pole'mo kamu' lako balimmi, sanga ia ke te'dai misusi joo, wa'ding kamu' nasede Ballisi' manggauk sala, ke te'da mikullei nta'tan kamadoanganmi.

1 Korintus 7:9

Apa ia ke tangmikullei nta'tan kamadoanganmi, kebali bangmo kamu'. Nasaba' la'biran ke kebali kamu' na ia ke mallua'-lua'i to penawammi.

1 Timotius 3:11

Ia too ke denni baine menjaji tomangjama ntulung jamaa la tomelo toopi, te'da nawa'ding mpau gaja' padanna rupa tau, apa nta'tan kalena na maruruh lan sininna passalan.

Titus 1:8

Parallu mario ke denni tau lleppangngii, nakabudai mpugauk kameloan, tomandalan tangngah, tomangkada tongan, tonturu' pakkaeloran-Na Puang Allataala na tonta'tan kalena.

Titus 2:3

Susi toomi joo, la mupakainga' to tomatua baine, dikua anna menturu' lako manda Puang Allataala. Te'da nawa'ding mpau gaja' padanna rupa tau, te'da napangngiso', apa la mpangpangngajaranri to disanganna melo.

Yakub 2:6

Kannori micapa' to tokaasi-asi. Na sitonganna tosugihra to mpakario-rio kamu' nasolan kamu' lako bola pangra'tasan kara-kara.

2 Petrus 2:14

Te'da nacau' mpugauk dosa. Mpenunu bang baine bandarang, nasaba' pangkabudaianna manggauk sala. Nasede tooi to tote'dapa namasaranian anna manggauk sala toda. Napubiasan bangmo to sipa' gaja'na ngkadoangngi apanna tau. Apa ia tuu lako tau, natampakki ropu Puang Allataala.

2 Petrus 2:19

Napauanni tuu lako tomane' matappa' kumua te'da naparallu dituru' to parenta-Na Puang Allataala anna wa'ding mpugauk sininna apa nakadoangngi. Apa ia bang una napukaunan panggaukan gaja'na to la napumasolang. Nasaba' ia ke nakuasaiki' kamadoanganta', napukaunanki' joo kamadoanganta'.

2 Petrus 3:3

Ia to kaminang parallu la miissen, iamo to kumua, ia ke la Kiama'mi lino, den tau ratu to nturu' bang kamadoangan gaja'na. La nacapa'-capa' kamu',

Yudas 1:16

Ia joo guru tangtongan mangnuku-nuku tarruh, namangpasala bang. Pada nturu' bangri kamadoangan gaja'na. Matampo ncuritai to sininna apa napugauk. Nasedei to tau laen nakua anna kesaro.

Yudas 1:18

Napauan jolomo kamu' kumua, ianna la Kiama'mo lino, buda tau la ncapa'-capa' kamu'. Ia tuu lako tau nturu' punala bang kamadoangan gaja'na, te'da namengkaturu' lako Puang Allataala.

Pengkitanna Yahya 13:15

Nadieloran mbenni penawa joo tau-tau anna mangkada, nabuno tooi to tau ke cia'i ssompai joo tau-tau.

Pengkitanna Yahya 13:17

Moi mesa' tau te'da nadieloran mangngalli ba'tu mangbaluk apa-apa bangmo, ke te'dai naampui joo tanda. Iamo joo sanganna joo olok-olok bungahna ba'tu nomoro' to mpamanassai joo sanga.

Pengkitanna Yahya 16:6

Sanga iamo tuu lako tau mangka mballuan rarana taunta' sola nabinta' tapaiso'imi rara. Sipato'mo ia panggaukanna.”

Pengkitanna Yahya 17:6

Angkukitai joo baine nalango rarana umma'-Na Puang Allataala sola rarana to tomangka nabuno, nasaba' ngkatappa'i Puang Isa. Ia tongkukitai joo baine jangngahna'.