2 Timotius 2:3 - Alkitab Duri

³ La maparri'ko sola umma'-Na Puang Isa Almaseh, susi surudadu to nturu' bang parenta.

2 Timotius 2:3 ပူးပေါင်းရင်းမြစ်များ

Jamanna Rasulu' 23:31

Naalami surudadu to Paulus situru' to diparentanni, anna bawa bongii ratu lako kota Antipatris.

1 Korintus 13:7

Tuli matana bang nnoloii to sininna apa, tuli nakatappa'i to apa melo jio mai tolaen. Tuli sabbara' na te'da namadoi' bang ka'tu rannu moi samatumbanna to apa jaji lako kalena.

1 Korintus 9:7

Te'da ia surudadu nnongkoso'i mesa kalena! Te'da too ia pangdusung mantanan anggoro' jio bara'bahna, na te'da nakandei assele'na joo bara'bahna! Susi tooi te'da ia tomangrewa bembala', na te'da naiso'i to dadikkina joo bembala'na!

2 Korintus 1:6

Ia ke maparri'kan, ia joo la mpakatana kamu' ammisalama'. Ia ke dipakatanakan, dipakatana toda kamu', ammimemmawatang toda lan kamasussan susi to kiperasai.

1 Timotius 1:18

Ee, tokupuanak Timotius! Kupabarakkananko mpangngingaran tau, susi to mangka nakua nabi lan jamaa mpauko. Ingaranni joo apa napau nabi, ammuwa'ding ncau'i to tomangpangngajah sala,

2 Timotius 1:1

Ee, Timotius to kupuanak na kupakamoja'! Aku', Paulus, ngkiringanko tee sura'. Pakkaeloran-Na Puang Allataala angkumenjaji rasulu'-Na Puang Isa Almaseh, disua mpangpeissenanni to katuoan nabasse Puang Allataala. Ia joo katuoan tatarima, tontamesa' penawamo sola Puang Isa Almaseh. Dennaa upa' nabarakka'iko nakamasei tooko Ambe' Puang Allataala sola Puangta' Puang Isa Almaseh nabenko kamasannangan.

2 Timotius 1:8

Iamo joo la baranimoko mpangpeissenanni to Puangta' Puang Isa lako tau laen, na danggi' too mukasirisanna', to ditarungku nasaba' nturu'na' Puang Isa. Apa sibalikanna, la maparri'ko susi aku', nasaba' mpangpeissenanko Kareba Kasalamatan, situru' kapakullean to nabenko Puang Allataala.

2 Timotius 2:10

Namawatang bangna' ntarima ngasanni, nasaba' kaparalluanna to tau mangkamo napilei Puang Allataala, dikua nalolongan kasalamatan jio mai Puang Isa Almaseh, sola kamala'biran te'da cappa'na.

2 Timotius 2:9

Ditarungkuna', angkumaparri' butung togaja', nasaba' mpangpeissenanna' Kareba Kasalamatan. Apa ia to kadan-Na Puang Allataala te'da nawa'ding dikammatan.

2 Timotius 3:11

Mukitamo' dipakario-rio na maparri'na'. Muissen toomo sininna to apa ngkannana' jio kota Antiokhia, Ikonium sola Listra, apa nala'paranna' Puang jio mai joo kamaparrisan takkaliwa'.

2 Timotius 4:5

Apa ia to iko, la mangngingaranko moi apa to jaji. La sabbara'ko moi muoloi buda parri'. La mupangpeissenan tarruhhi to Kareba Kasalamatan. Na susi mesa' tompangjaman Puang Allataala la mujamai moi apa nasuanko.

Ibrani 10:32

Ee, tomala'bihku'! Ingaranni umbo mikua tommimane' matappa'. Ia joo wattu pembudamo kamu' mperasai pa'dik, apa moi nasusi joo da'tan kamu' mawatang matappa'.

Ibrani 11:27

Nasalaii Nabi Musa to tana Mesir tangmalaja' nakabirih Raja Mesir, sanga matappa'i. Sabbara'i maparri', sanga susi to nakitamo to Puang Allataala to tangkakitanan.

Ibrani 6:15

Sabbara'i to Nabi Ibrahim ntajanni to janjinna, sanggenna naampa' to apa nabasseanni Puang Allataala.

Yakub 1:12

Masannang to tatta' matappa', nasaba' te'da namadoang dipatuju sala mpugauk dosa. Sanga la ntarima pahalana, iamo to katuoan melo mangka napasadia Puang Allataala lako to tompakamoja'i.