2 Timotius 1:9 - Alkitab Duri

⁹ Napileimiki' Puang Allataala menjaji umma'-Na, napasalama'ki'. Tangngia kumua mpugaukmiki' kameloan anna pugaukki susi joo, apa naakkattai memanmo situru' kameloan penawan-Na, tonna te'dapa nadipaden tee lino. Naakkattai kumua la napakitanki' Puang Isa Almaseh to kameloan penawan-Na Puang.

2 Timotius 1:9 ပူးပေါင်းရင်းမြစ်များ

Matius 1:21

La njajianni mesa' pea muane na la musangai Isa (battuananna ‘Tomangpasalama'’), nasaba' iamo la mpasalama' umma'-Na jio mai pangpatumangna dosana.”

Lukas 10:21

Ia joo wattu mario tongan to Puang Isa, nasaba' nakuasaii Roh Allataala, nakua, “Oo Ambe', Puangna langi' sola lino! Mangkurru sumanga'na' lako Ambe', nasaba' ia ngasan joo tabunianan lako tomandalan pahangna sola tomacca, tapangpeissenanmo lako totangpaissen. Oo Ambe', iamo tapumasannang.”

Yahya 17:24

Oo Ambe', meta'dana' na ia tuu lako taun-Ta' to tabenna' la torro jio to kunii, anna kitai to kamala'biran-Ku'. Tabenmo' joo kamala'biran tonna te'dapa nadipaden tee lino, nasaba' tapakamoja'na'.

Yahya 17:9

Kupassambajanganmo tuu lako tau. Te'da kupassambajangan ngasanni to tolino, apa ia mandara to tomangkamo tabenna', sanga taun-Ta' tuu lako tau.

Yahya 6:37

Sininna to tonapangben Ambe' lako Aku', iamo la ratu lako kale-Ku'. Na moi inda ke ratumi, te'da kutanglantarimai.

Jamanna Rasulu' 15:18

to mangka napangpeissenan tonna anu'.”

Jamanna Rasulu' 2:47

na mpakala'bih Puang Allataala. Napumasannang ngasan tau. Allo-alloi tuli napakerangnganni Puang Allataala to todipasalama'.

Roma 11:14

masere ati to bangsaku' to-Yahudi, anna katampakanna nnampa' kasalamatan jio mai Puang Allataala.

Roma 11:29

Ia ke napileimi Puang Allataala to tau, nabenni barakka', te'damo napenassannii.

Roma 16:25

Pakala'bihhi to Puang Allataala! Iamo to kuasan-Na mpamawatang kamatapparanmi situru' Kareba Kasalamatan jio mai Puang Isa Almaseh to kupangpeissenan. Ia tee Kareba te'da naissenni tau tempon jio mai dipadenna lino,

Roma 3:20

Te'da ia tau napupenjaji tomelo Puang Allataala, ke mpugaukki atoran agama. Sibalikanna ia to atoran agama napakitanriki' to dosata'.

Roma 9:11

Nakua Puang Allataala lako Ribka kumua, “Ia to pamungah la mengkaunan lako adinna.” Ia joo wattu te'dapa najaji joo pea dua, na te'dapa napugauk melo iarika gaja', apa pura napattantumo Puang Allataala to tonapilei. Jaji pajan kumua ia to tonapilei-Na Puang Allataala, te'da nasituru' to apa napugauk tolino, apa situru' eloh-Na Puang.

Roma 9:24

Kita'mo to mangka napilei jio mai to-Yahudi sola bangsa laen.

1 Korintus 1:18

Ia to tolannampa' kamaparrisan keanu' nasangari curita tangtongan to kareba kumua matemi Puang Isa jao kaju sitamben la mpasalama' tolino. Apa ia to kita' to dipasalama'mo taissen kumua, ia joo kareba iamo carana Puang Allataala mpapajan kuasan-Na.

Efesus 1:11

Ia to napugauk-Na Puang Allataala, napasituru' tarruhhi akkatta-Na sola pakkaeloran-Na to pura napattantumo. Ia tonna te'dapa nadipaden tee lino napileimiki', sanga madoangngi antamenjaji umma'-Na, nasaba' memmesa'ki' sola Almaseh.

Efesus 1:9

Situru' ia pakkaeloran-Na, napaissennimiki' akkatta-Na to tangnaissen tau tonna anu'. Na ia tonna te'dapa nadipaden tee lino, pura napattantu kumua Almasehra la mpugaukki joo akkatta-Na.

Efesus 2:5

Iamo joo ia tontasusi unapa tomate natumang dosata', napatuo pole'miki' sola Almaseh. Napasalama'ki', nasaba' kameloan penawan-Na.

Efesus 3:11

Susimi joo napattantu Puang Allataala tonna te'dapa nadipaden tee lino, na iamo joo nasuai to Puangta' Puang Isa Almaseh mpugaukki to akkatta-Na.

Filipi 3:14

Ia tee aku', susina' tomassimbara. Kinjara'na' angge cappa'na la nnampa' paraseng. Ia joo paraseng iamo to kumua nasuana' Puang Allataala mentama suruga, nasaba' kamatean-Na Puang Isa Almaseh.

1 Tesalonika 4:7

Te'da napileiki' Puang Allataala kumua la mangpanggaukan salaki', apa iara nabenki' Roh Allataala dikua antapugaukki to napusannang-Na. Ia to tocia' ntarimai tee pangngajah tangngia tolino nakacia', apa Puang Allataalara.

1 Timotius 1:1

Ee, Timotius, to kupuanak, sanga matappa'moko lako Puang Isa nasaba' pangngajahku'! Aku' Paulus ngkiringanko tee sura'. Pakkaeloran-Na Puang Allataala, Tomangpasalama'ta' kumenjaji rasulu'-Na Puang Isa Almaseh to tarannuan. Dennaa upa' nabarakka'iko nakamasei tooko Ambe' Puang Allataala sola Puangta' Puang Isa Almaseh nabenko kamasannangan.

2 Timotius 1:1

Ee, Timotius to kupuanak na kupakamoja'! Aku', Paulus, ngkiringanko tee sura'. Pakkaeloran-Na Puang Allataala angkumenjaji rasulu'-Na Puang Isa Almaseh, disua mpangpeissenanni to katuoan nabasse Puang Allataala. Ia joo katuoan tatarima, tontamesa' penawamo sola Puang Isa Almaseh. Dennaa upa' nabarakka'iko nakamasei tooko Ambe' Puang Allataala sola Puangta' Puang Isa Almaseh nabenko kamasannangan.

Titus 1:2

namangrannuan kumua la nnampa'i katuoan melo te'da cappa'na, to nabassemo Puang Allataala to tangmangnguraga tonna te'dapa nadipaden tee lino.

Ibrani 3:1

Ee, todipusile'to padangku' tomatappa' to mangkamo napilei Puang Allataala la mentama suruga! Ingaran meloi to sipa'-Na Puang Isa to takatappa'i, to napattantu Puang Allataala menjaji Rasulu' na Imang Lompo lan agamanta'.

1 Petrus 1:20

Ia tonna te'dapa nadipaden tee lino napattantu jolomo Puang Allataala kumua Puang Isa Almaseh menjaji Tomangpasalama', na ia tee wattu la tampakkanami lino ratumi la mpasalama' kamu'.

1 Petrus 2:9

Apa kamu'mo to bangsa napileimo Puang Allataala, ammimenjaji imangna Raja to mipangjaman. Napupenjaji kamu' bangsa to disarakki jio mai bangsa laen ammimenjaji tau mesan-Na. Napileimo kamu' la mpangpeissenan panggaukan-Na to te'da susinna. Iamo ntambai kamu' messun lan mai kamasolangan, ammimentama kamasannangan to liwa' mejangngaran.

Pengkitanna Yahya 13:8

La nasompa sininna to totuo lan lino, saliwanna to tomangkamo diuki' sanganna lan Sura' Katuoan tonna te'dapa nadipaden tee lino. Ia to Sura' Katuoan, sura'-Na Anak Bembala' to mangkamo digere'.

Pengkitanna Yahya 17:8

Ia tuu olok-olok mukita denmo natuo tonna anu', apa matemi too. Na cingga'tu'mora naendek jiong mai posi' tana, apa la dicallai te'da cappa'na. Ia to totuo lan lino to te'da nadiuki' sanganna lan Sura' Katuoan tonna te'dapa nadipaden tee lino, la jangngah ngkitai, sanga ia joo olok-olok tuomo jolona, na matemo, o naden pole' omi.