2 Timotius 1:4 - Alkitab Duri

⁴ Kuingaran tonna gaja masse penawammu. Iamo joo kugaja doang ssikitanko, angkula'bih mario.

2 Timotius 1:4 ပူးပေါင်းရင်းမြစ်များ

Yahya 16:22

Susi toomo kamu'. Masussa penawammi tee too, apa la kusiamparan pole' kamu', ammimemmasannang. Na moi mesa' tau te'da ngkullei nnalai kamu' joo kamasannanganmi.

Yahya 16:24

Naratu lako too allo, te'dapa mipeta'dai to apa lako Ambe' mpau sangang-Ku'. Peta'dai ammidiben, nasukku' to kamasannanganmi!”

Jamanna Rasulu' 20:19

Kuala to kamajiongan penawa njama jaman-Na Puang. Buda kamaparrisanku' sola tuli mangwai matana', nasaba' madoangngi to to-Yahudi la mbunona'.

Jamanna Rasulu' 20:31

Iamo joo majaga melo kamu'! La miingaran tee kumua tallung taunna' mangwai mata, te'da kutorroi nnajahhi simesa'-mesa' kamu' allo-bongi.

Roma 1:11

nasaba' mamali'na' la ssitammuan kamu', angkuwa'ding mben kamu' to barakka' nabenna' Roh Allataala, to la mpamawatang kamatapparanmi.

Filipi 1:8

Nakitana' Puang Allataala na naissen kumua kukamali' gajamo kamu'. Kupakamoja' kamu' susi Puang Isa Almaseh mangpakamoja'.

Filipi 2:26

sanga gaja nakamali' kamu', nanawa-nawa tooi, nasaba' misa'ding kumua masakii.

1 Tesalonika 2:17

Ee, tomala'bihku' sola ngasan! Gaja mali'kan moi cingga'tu'riki' sisarak. Moi tapada mambela nang sikandoppi'ki' lan penawa. Iamo joo kipengkulle-kullei la ssikitan pole' kamu'.

2 Timotius 4:21

La mupengkulle-kullei muratumo inde' namane' wattu macakke'. Massallangngi Ebulus, Pudes, Linus sola Klaudia lako iko. Susi toda to sininna tomatappa' pira' inde'.

2 Timotius 4:9

La mupengkulle-kullei madoi' ratu ssikitanna'.

1 Yahya 1:4

Kiuki'ii tee kikua antapada ngasan mario.

Pengkitanna Yahya 21:4

Puangmo la mpa'dii to wai matanna, na te'damo to disanga kamatean, asse penawa, killak, kamasakian, te'da lalomo ia. Ia to apa jolo ta'de ngasanmi.”

Pengkitanna Yahya 7:17

nasaba' ia joo Anak Bembala', to ke'deh jio olona cadokkoan mala'bih, iamo la menjaji tomangrewana. Ia toomo la ssolanni lako wai mangkalimbuah. Na Puang Allataala la ssapuii to sininna wai mata kamasussanna.”