2 Korintus 7:3 - Alkitab Duri

³ Mangkadana' susi joo, te'da to kumua kupasala kamu', nasaba' susi to mangka kupau jolona, kumua gaja kupakamoja' kamu' na sadiakan tapada mate ba'tu tapada tuo sola.

2 Korintus 7:3 ပူးပေါင်းရင်းမြစ်များ

2 Korintus 11:11

Ia ke te'da kupeta'dai kamu' to la kuputuona, misangaraka kumua iamo kupugaukki, sanga te'da kupakamoja' kamu'! Naissen Puang Allataala kumua kupakamoja' kamu'.

2 Korintus 12:15

Iamo joo namacanning atingku' mpangbenni to sininna apa kuampui, moi batang kaleku' kupangben too nasaba' kamu'. Na ia ke susimo' joo mpakamoja' kamu', te'da nasipato' ke te'damo mipakamoja'na'!

2 Korintus 13:10

Iamo kuuki'i tee sura' ta'bulu' te'dapa kuiti' misolan, anna ia ke ratumo' mati' keanu', te'damo kuparallu makarrah lako kamu' mpake kuasan-Na Puang, sanga nabenmo' joo kuasa la mpemawatangngira kamu', te'da nalassolangan kamu'.

2 Korintus 3:2

Na kamu'mo sura' mpangpetandan kaleki' to diuki' lan penawangki', nawa'ding nnissenni sola mbacai sininna tau.

2 Korintus 7:12

Ia to sura' mangka kuuki' lako kamu', te'da kuuki'i kukua angkupasalai joo tokasalan, te'da too kukua angkupangkadananni to todipa'dikki. Apa iara kuuki'i, kukua anna manassa lako kamu' to sumanga'mi sola pangpakamoja'mi lako kami'. Puang Allataala ngkitakan.

Filipi 1:7

Sipato'na' mangpikkiri' susi joo, nasaba' kupakamoja' kamu' na mituru' toomi to jaman mangka dipabarakkananna', la lanna' pangtarungkuan, la ia ke mpangpeissenanna' Kareba Kasalamatan iarika mpamanassai kumua tongan joo Kareba.

1 Tesalonika 2:8

Tangngia to kumua sadia mandakan mpangpeissenanni to Kareba Kasalamatan jio mai Puang Allataala, apa moi sunga'ki' sadia tookan mpangbenni, nasaba' liwa'kan mpakamoja' kamu'.