2 Korintus 7:2 - Alkitab Duri

² Tarimamokan antasipakamoja'! Te'da salaki' moi lako mesa' tau. Te'da lalo too tau kipesaroi ba'tu kibangkarru'i.

2 Korintus 7:2 ပူးပေါင်းရင်းမြစ်များ

Matius 10:14

Ia ammiratu lako mesa' bola ba'tu kota, na te'da natarima kamu' to tau jio, iarika tangnapesa'dingngi kamu', salai joo bola ba'tu kota, mipentambakanni to carepa jio ajemi.

Matius 10:40

Mpatarruhpa kadan-Na Puang Isa nakua, “Ia to tontarima kamu', padamo to Aku' natarima. Na ia to tontarimana', padamo to ntarima Puang Allataala to ssuana'.

Lukas 10:8

Ia ke mentama kamu' kota, natarima melo kamu' tau, la mikande apa to naben kamu'.

Jamanna Rasulu' 20:33

Moi mesa' tau te'dapa naden kukadoangngi apanna, doi'na ba'tu pakeanna.

Roma 16:18

Ia to tosusi joo te'da namengkaunan lako Almaseh Puangta', apa naniiri ia mpemasannangngi penawanna. Melo bang to kadanna to la nanii nnuraga tomaruruh kaju dalle.

2 Korintus 1:12

Kipumario, sanga kiissen lan penawangki', kumua maruruh na te'da caccana to panggaukanki', to padamokan masainna lan tee lino, la'bi-la'bipa lako kamu', natuli situru' pakkaeloran-Na Puang Allataala. Te'da napatujukan kapaissenan tolino, apa barakka'-Nara Puang Allataala to nabenkan.

2 Korintus 11:16

Susi to pura kupau kumua, danggi' naden tau ssangana' tobango'. Apa ia ke den kamu' ngkita tobango'na', pugaukmi susi to migaukan tobango', ammieloranna' kupuji kaleku' ci'di'.

2 Korintus 11:9

Ia joo wattu ke denni kaparalluanku', moi mesa' te'da kupeta'dai kamu' to la kuputuona. Apa ia to padanta' tomatappa' inde' propinsi Makedonia ratu ngganna'i to kakuranganku'. Kujagai melomo anna te'da kusussai kamu' mpeta'dai to la kuputuona, na la kujagai tarruh nate'da kusussai kamu'.

2 Korintus 4:2

Te'da kipugaukki to sininna panggaukan membuni to mesirisan, tangngia tookan pangnguraga iarika tompau sala kadan-Na Puang Allataala. Apa Puang Allataala ngkitakan kumua tangmembunikan kipangpeissenanni to pangngajaran tongan. Kieloranni to sininna tau ntimbangkan lan penawanna.

Filipi 2:29

Masannang kamu' ntarimai susi sipato'na ntarima to mpangjaman Puang. Parallu mikasiri' to tau susi joo,

Kolose 4:10

Sallangna mati' Aristarkhus, to kusolan ditarungku. Sallangna toda Markus, sampu pissenna Barnabas. Susi to kuuki' jolo, la mitarima melo ke malei mati'.

1 Tesalonika 2:10

Kamu' ngkitakan sola Puang Allataala kumua te'da salaki', tomelo penawangki' na te'da caccana to panggaukanki' lako kamu' to tomatappa' lako Almaseh.

Filemon 1:12

Ia tee Onesimus, to kupakamoja', kusuai pole mati'.

Filemon 1:17

Ia ke mupusile'tona', meta'dana', “Tarimami tee Onesimus susi aku' mutarima.”

2 Yahya 1:10

Jaji, ia ke denni tau ratu, na te'da na pangngajaran-Na Almaseh napangpangngajaran, danggi' mitarimai mentama bolami, na danggi' too ssuju'i.