1 Yahya 5:9 - Alkitab Duri

⁹ Takatappa'i to apa napau tau, apa la'bih dikatappa'i pole'pa to apa napau Puang Allataala. Iamo joo la takatappa'i to mangka napau Puang Allataala kumua mentolinomo to Anak Allataala.

1 Yahya 5:9 ပူးပေါင်းရင်းမြစ်များ

Matius 17:5

Ia tonna mangkada unapa Petrus, ratumi to saleu' macorrang mbombonnii sola ngasan na den gamara nasa'ding lan mai nakua, “Iamo tee to Anak kupakamoja' to mpamasannangna'. Pesa'dingngii!”

Yahya 10:38

Apa ia ke kupugaukmi joo jaman nasuanna', micia' ngkatappa'ina', ia bangmo joo jaman kupugauk mikatappa'i kumua jaman pole jio mai Puang Allataala. Na ia minii mpahang tonganni kumua Ambe' memmesa' sola Aku', na Aku' memmesa' sola Ambe'.”

Yahya 5:39

Mpelajahhi kamu' issinna Sura' Allataala, nasaba' misangai kumua iamo joo mipugauk ammiampa' katuoan melo te'da cappa'na. Na moi Sura' Allataala, Aku' bang una to napau,

Jamanna Rasulu' 17:31

Nasaba' mangkamo napattantuan mesa' allo la dinii rra'tahhi to panggaukanna to tolino situru' kamarurusan-Na. Denmo mesa' tau napilei la mpugaukki joo. Mangkamo napatuo pole' joo tau jio mai kamatean, dikua anna manassa kumua Iamo napilei.”

Jamanna Rasulu' 5:32

Kami'mo tee to mangka ngkitai kipangpeissenanni lako kamu' sola Roh Allataala, to nasua lako to tonturu' parenta-Na.”

Ibrani 2:4

Te'da na ia manda joo, apa Puang Allataala Ia ntongananni to kadanna tuu lako tau, anna benni kuasa mpugauk mangrupa-rupa tanda mejangngaran, naben tooi barakka' Roh Allataala situru' pakkaeloran-Na.

Ibrani 6:18

Ia joo dua, iamo to basse-Na sola sapah-Na te'da namembali, sanga te'da nakullei Puang Allataala mangnguraga. Susimi joo napamasumanga'ki' kita' to napasalama'mo Puang Allataala, antarannuan tarruh Puang Allataala kumua la napugaukki to apa nabasseanki'.

1 Yahya 5:10

Ia to tomatappa' lako Anak Allataala natarimamo to apa napau Puang Allataala. Apa ia to tote'da nakatappa'i Puang Allataala, padai tossanga pangnguragai to Puang Allataala, nasaba' te'da nakatappa'ii to apa napau mpatui to Anak Allataala.

1 Yahya 5:8

iamo to Roh Allataala, wai to dipake njio'i, na rara-Na to lolong. Ia tee tallu sangrupara mpamanassai, iamo to kumua mentolinomo to Puang Isa Almaseh.