1 Yahya 5:3 - Alkitab Duri

³ Mpakamoja' Puang Allataala battuananna nturu' parenta-Na. Na ia to parenta-Na te'dara masussa dituru',

1 Yahya 5:3 ပူးပေါင်းရင်းမြစ်များ

Kada Bulawan 3:17

Napangngujuko lako katuoan kamasannangan, napatujuko lako lalan kamanyamanan.

Daniel 9:4

Mangngakuna' lako PUANG Allataala to kusompa, sanga ia to dosa kipugauk. Ia to passambajangku' susi tee, “Oo Puang Allataala to makuasa to kikalaja' kikasiri', tatta' Tapugauk to basse-Ta'. Tomamase-Ki' lako sininna tompakamoja'-Ki' na mpugauk parenta-Ta'.

Matius 23:4

Nasaba' nakabua' to atoran tangnakulle tau mpugaukki, apa ia kalena te'da natulungngi to tau, umbo nakua mpugaukki.

Yahya 14:15

Mpatarruhhi kadan-Na Puang Isa nakua, “Ia ke mipakamoja'na', la mituru' ngasan to parenta-Ku'.

Yahya 15:10

Ia ke mituru'i to pakkaeloran-Ku', la da'tanna' mpakamoja' kamu', susi Ambe' da'tan mpakamoja'na', sanga nturu'na' pakkaeloran-Na.

Yahya 15:14

Kusangamo kamu' soba'-Ku', ke mipugaukki to kuparentan kamu'.

Roma 7:12

Maruruh na melo to sininna atoranna Nabi Musa, sanga ia to sura'na Nabi Musa na atoran lan joo sura', pole jio mai Puang Allataala.

Roma 7:22

Ia to penawangku' nakabudai to atoran-Na Puang Allataala,

Ibrani 8:10

Iamo tee basse la kupaden sola to-Israel to wattu la dioloi lako: la kupallan pikkirisanna to atoran-Ku', na kuuki'i lan penawanna. Aku' Puang Allataala to la nasompa, na ia la kupupenjaji umma'-Ku'.

1 Yahya 2:3

Ia ke nturu'ki' parenta-Na Puang Allataala, iamo tandana kumua nnissenmiki' Puang Allataala.

2 Yahya 1:6

Sipakamoja' battuananna nturu'miki' parenta-Na Puang Allataala. Na ia to parenta misa'dingmo tommimane' matappa', iamo to kumua la da'tan kamu' sipakamoja'.