1 Yahya 4:9 - Alkitab Duri

⁹ Napamanassa Puang Allataala kumua napakamoja'ki' tonna suai to Anak Tungga'-Na mentama lino, antaampa' katuoan melo te'da cappa'na pole jio mai joo Anak Tungga'.

1 Yahya 4:9 ပူးပေါင်းရင်းမြစ်များ

Markus 12:6

Indapa to la nasua tee too? Mesa'mora, ia mandamo to anak gaja napakamoja'. Jaji, mangkatampakanna, anakkanami nasua male la nnalanni to tawana. Mangkadai lan penawanna nakua, ‘La nakasiri' ia to anakkaku'.’

Lukas 4:18

“Nakuasaina' Roh Allataala, nasaba' naangka'mo' la mpangpeissenan Kareba Kasalamatan lako tokaasi-asi. Nasuamo' mpangpeissenan kadila'paran lako toditarungku, mpapakita tobuta, lla'paran todipandasa.

Yahya 10:10

Ia to taboko raturi ia la boko, la pabuno na makkasolang. Apa ia tee Aku' ratuna' la mben katuoan tolino anna tuo tangkakurangan.

Yahya 14:6

Mebalimi Puang Isa nakua, “Aku'mo minii nnissen Puang Allataala sola nnampa' katuoan. Moi mesa' tau te'da nakullei ratu lako Ambe', ke te'dai kupuissenni.

Yahya 3:16

Liwa' napakamoja' Puang Allataala to tolino. Iamo joo nasuai to Anak tungga'-Na mpangben sunga'-Na naputuoi tolino. Na ia to tomatappa' lako, te'da nalamasolang, apa la nnampa' katuoan melo te'da cappa'na.

Yahya 3:18

Ia to ngkatappa'ii, te'da naladisessa, apa ia to tote'da namatappa', la dipabalahhi to dosana, nasaba' te'da nakatappa'ii to Anak tungga'-Na Puang Allataala.

Yahya 5:23

Napugaukki Ambe' susi joo, nakua nakasiri'na' sininna tau, susi tau ngkasiri' Ambe'-Ku'. Ia to tocia' ngkasiri'na', te'da toda nakasiri'i Ambe'-Ku' to ssuana'.

Yahya 6:29

Mebalii Puang Isa nakua, “Iamo tee to nakadoangngi Puang Allataala jio mai kalemi: la matappa' kamu' lako kale-Ku' kumua Aku'mo to nasua Puang Allataala.”

Yahya 6:51

Aku'mo kande to mellao jao mai suruga, kande to naputuo tau. Ia to tongkandei tee kande, la tuo tarruhhi. Ia to kande la kuben tau lan lino naputuoi, iamo tee batang kale-Ku'.”

Yahya 6:57

Ia to Ambe'-Ku' to ssuana', Iamo naputuo tau. Susi Aku' tuo jio mai kale-Na, susi toomi to tongkande batang kale-Ku', la tuo jioi mai kale-Ku'.

Yahya 8:29

Na iamo joo Ambe'-Ku' to ssuana', nasolan bangna'. Te'da nasalaina', nasaba' tuli kupugauk to napumasannang.”

Yahya 8:42

Nakua omo Puang Isa, “Ia ke la Puang Allataala Ambe'mi, la mipakamoja'na', nasaba' pole jiona' mai Puang Allataala. Na ratuna' te'da naeloh-Ku', apa Ia ssuana'.

Yahya 9:3

Mebalimi nakua, “Te'da na dosana tee tobuta ba'tu tomatuanna, apa dikua anna dipapajan to kuasan-Na Puang Allataala.

Roma 8:32

Na ia to Puang Allataala te'da napangnganggai to Anak mperasai parri', kannori napangben menjaji karoba lako kita' sola ngasan. Umbora nakua tanglambenki' to laenna?

Ibrani 1:5

Moi mesa' malaeka' te'da naden nakuan Puang Allataala, “Ikomo anak-Ku'. Mammula tee too Aku'mo ambe'mu.” Te'da too naden nakuanni to malaeka' kumua, “La napuambe'na', na ia la kupuanak.”

1 Yahya 3:16

Mpangbenmo sunga'-Na Almaseh ssulle sunga'ta'. Iamo joo taissenni kumua, la matumba todai carata' la mpakamoja' tolaen. Jaji la mpangben todaki' sunga'ta' ssulle sunga'na padanta' tomatappa'.

1 Yahya 4:10

Iamo tee to pangpakamoja'. Te'da na kita' mpakamoja' Puang Allataala, apa Iara mpakamoja'ki', nasuai to Anak menjaji karoba mpasikalinoki' Puang Allataala anna wa'ding ndampanganki' to tomadosa.

1 Yahya 4:16

Taissen sola takatappa'i kumua napakamoja'ki' Puang Allataala. Mangpakamoja' to Puang Allataala. Ia to toda'tan mangpakamoja', da'tan too mesa' penawa sola Puang Allataala, na Puang Allataala da'tan mesa' penawa sola ia.

1 Yahya 5:11

Iamo tee to napau Puang Allataala: mangkamiki' naben Puang Allataala katuoan melo te'da cappa'na, na ia tee katuoan jio manda mai Anak Allataala tanii ntarimai.

1 Yahya 5:13

Kuuki'i tee lako kamu' tomatappa' lako Anak Allataala, ammiissenni kumua, miampuimo to katuoan melo te'da cappa'na.