1 Yahya 4:6 - Alkitab Duri

⁶ Apa ia to kita' napuanakmiki' Puang Allataala. Na ia to tonnissen Puang Allataala napesa'dingngi to pangngajahta'. Na ia to tote'da napuanakki Puang Allataala, te'da napesa'dingngiki'. Susimi joo carata' nnissenni, matumba sisalanna to tonnampui Roh mpamanassai to katonganan, na ia to nnampui roh mangpalao sala.

1 Yahya 4:6 ပူးပေါင်းရင်းမြစ်များ

Lukas 10:22

Nakuapa Puang Isa, “Sininna apa naben ngasanmo' Ambe'. Na te'da mesa' tau nnissenni to Anak, saliwanna Ambe'. Te'da too mesa' tau nnissenni to Ambe', saliwanna Aku' Anak, sola ia to tokupueloh kupaissenni.”

Yahya 10:16

Den unapa bembala' laen, to bembala'-Ku' toda, apa te'da ia napole lan mai ntee bala. Na la kusolan toda, nasa'dingngi to gamarang-Ku', namangmesa sola ngasanni na mesa'ra tomangrewana.

Yahya 10:27

Nasa'ding bembala'-Ku' to gamarang-Ku'. Na kuissenni, naundi ngasanmi lako Aku'.

Yahya 10:3

Ia joo tomangngampa babangan natimbakanni, namentama joo tomangrewa. Ia to bembala'na mpesa'dingngi to gamaranna, ke natambai simesa'-mesa'i to sanganna, nasolanni messun.

Yahya 13:20

La miingaran tee kadang-Ku' kumua, ia tontarimai to tokusua, iamo to ntarimana'. Na ia tontarimana', ia toomo ntarimai to tossuana'.”

Yahya 15:26

La kusua lako kalemi to tomangpakatana pole jio mai Ambe'. Iamo to Roh Allataala to la mpamanassai to pangngajaran tongan. Ia ke ratui, Ia mpangpeissenanna'.

Yahya 16:13

Apa ianna ratumo joo Roh Allataala, Iamo la mpamanassai to katonganan-Na Puang Allataala, na Ia toomo mpatuju kamu' nnissenni to sininna pangngajaran tongan. Te'da namangkada situru' pakkaeloran-Na, apa sininna to nasa'ding jio mai Aku' iamo napau. Na la napauan too kamu' to apa la jaji keanu'.

Yahya 18:37

Mekutana omi Gubernur Pilatus lako Puang Isa nakua, “Ia ke susii joo, Rajarokoka?” Mebalii Puang Isa nakua, “Susi tuu tapaunna kumua Rajana'. Dijajianna' kumentama lino mesa'ra akkatta-Ku', iamo to la mpamanassa katonganan. Ia to topole jio mai katonganan, napesa'dingngina'.”

Yahya 20:21

Nadadu' pole'i Puang Isa mangkada nakua, “Salama' kamu', mimasannang. Susi Ambe' ssuana', susi toomi Aku' ssua kamu'.”

Yahya 8:19

Nakua joo to-Farisi ngkuanni, “Umbori nanii joo ambe'-Ta'?” Mebalii Puang Isa nakua, “Te'da miissenna', sola Ambe'-Ku'. Ia ke la miissenna', tantu miissen toomi to Ambe'-Ku'.”

Yahya 8:23

Nakua omo Puang Isa, “Topole jiong kamu' mai, na topole jaona' mai. Tojio kamu' mai lino, na Aku' te'da kutopole jio mai lino.

Roma 1:1

Ee, todipusile'to jio kota Roma, to napakamoja' Puang Allataala, to napileimo menjaji taun-Na! Napilei toomo' menjaji taun-Na, naangka'na' menjaji rasulu' la mpangpeissenan Kareba Kasalamatan jio mai Puang Allataala.

Roma 11:8

Susi to diuki' lan Sura' Allataala kumua, “Napupembattukki Puang Allataala to penawanna tee tau, namembuta to mata penawanna, namemmataru too to talinganna, ratu lako too allo.”

1 Korintus 14:37

Ianna den tau ssanga kalena kumua todiben barakka' mpangpeissenan pepasan-Na Puang Allataala, ba'tu naben barakka' laen Roh Allataala, la naingaranni kumua ia tee kuuki' parenta-Na Puang Allataala.

2 Korintus 10:7

La mipikkiri'i to tonganna. Ia to tau ssanga kalena taun-Na Almaseh la nasanga too kumua moi kami' taun-Na todakan Almaseh.

2 Tesalonika 1:8

na den too api manglaka-laka. La ratu pole'i to Puang Isa na ssessai to tote'da nakasiri' Puang Allataala sola tocia' ntarimai to karebanna Puangta' Puang Isa.

1 Timotius 4:1

Napamanassai Roh Allataala kumua, ia to wattu la dioloi lako, den ba'tu pira-pira tau la mentangmatappa' pole' lako Puang Isa Almaseh. Ia tuu lako tau la menturu' lako roh mangpalao sala na nturu' pangngajaranna setang.

2 Petrus 3:2

Ingaranni to kada mangka napau jolo nabin-Na Puang Allataala tonna anu'. Ingaran tooi to parenta-Na Puang Mangpasalama' to mangkamo napangpeissenan rasulu' lako kamu'.

1 Yahya 4:1

Ee, tomala'bihku' to kupakamoja'! Danggi' mikatappa'i ngasan bangngi to tomangngaku nnampui Roh Allataala, apa pemanassai jolo' kumua Roh Allataala tonganmoraka to naampui, ba'tu tangngiaraka. Nasaba' budamo nabi tangtongan male bang llelei tondok.

1 Yahya 4:4

Ee, tokupuanak! Ia to kamu', napuanakmo kamu' Puang Allataala. Mangkamo kamu' ntaloi joo nabi tangtongan, nasaba' la'bih makuasa to Roh Allataala miampui na ia to roh naampui to tonnewa Puang Allataala.

1 Yahya 4:8

Ia to totangmangpakamoja' tangnnissen Puang Allataala, nasaba' mangpakamoja' ia to Puang Allataala.

1 Yahya 5:19

Taissen kumua napuanakmiki' Puang Allataala, moi nakuasaii Ballisi' to tolino tangnturu' Puang Allataala.

Yudas 1:17

Ee, tomala'bihku' to kupakamoja'! Ingaranni to apa mangka napau jolomo rasulu'-Na Puangta' Puang Isa Almaseh.