1 Yahya 4:5 - Alkitab Duri

⁵ Ia to nabi tangtongan torro lan lino na mpangngajaran pangngajaran to te'da napole jio mai Puang Allataala, na ia to tolino tangnturu' Puang Allataala naturu'i joo pangngajaranna.

1 Yahya 4:5 ပူးပေါင်းရင်းမြစ်များ

Lukas 16:8

Ia tonna sa'dingmi tosugih to apa napugauk joo pangjama tangmaruruh, napujii nasaba' maccai mangngakkalan. Nasaba' ia to tolino tangnturu' Puang Allataala, la'bih macca ia lako padanna rupa tau, na ia to tonturu'mo Puang Allataala.”

Yahya 17:14

Kupauanmi to kadan-Ta'. Iamo joo nakaba'cii totangmatappa', nasaba' tangngia taunna, susi Aku' tangngia toona' taunna.

Yahya 17:16

Susi Aku' tangngiana' taunna totangmatappa', moi tuu lako taun-Ta' tangngia too taunna.

Yahya 3:31

Ia to Puang Isa, iamo to pole jao mai suruga, najaonanni ngasan to sininna apa. Ia to topole jio mai lino, direken ia tolino, namangkada tolino too. Apa Puang Isa pole jao mai suruga, najaonanni to sininna apa.

Yahya 8:23

Nakua omo Puang Isa, “Topole jiong kamu' mai, na topole jaona' mai. Tojio kamu' mai lino, na Aku' te'da kutopole jio mai lino.

2 Timotius 4:3

Nasaba' la den wattunna nate'damo namadoang to tau mpesa'dingngi pangngajaran tongan. Sibalikanna rrempunri buda guru naajahhii to apa napumasannang penawanna, anna wa'ding nturu'i bang kamadoangan gaja'na.

Pengkitanna Yahya 12:9

nadipenca'bean tama lino sola sininna malaeka'na. Ia to naga, iamo to ulah tua disanga Ballisi' ba'tu puanggawana setang to mpalao sala sininna tau lan lino.