1 Yahya 4:4 - Alkitab Duri

⁴ Ee, tokupuanak! Ia to kamu', napuanakmo kamu' Puang Allataala. Mangkamo kamu' ntaloi joo nabi tangtongan, nasaba' la'bih makuasa to Roh Allataala miampui na ia to roh naampui to tonnewa Puang Allataala.

1 Yahya 4:4 ပူးပေါင်းရင်းမြစ်များ

Yahya 12:31

Nadete'mi wattunna la dira'tah kara-karana tolino. Ia tee too la dica'beanmo lako salean to Ballisi' to ngkuasaii tee lino.

Yahya 14:30

Te'damo nabuda bang la kupauan kamu', nasaba' wattunnami la ratu to Ballisi', to ngkuasai tee lino. Apa te'da nakuasaina'.

Yahya 16:11

La napamanassa too kumua la nasessami Puang Allataala to tolino, sanga disessami to Ballisi', to ngkuasai tee lino.

Yahya 17:23

Memmesa'mo' sola tuu lako taun-Ta', na Ambe' memmesa' sola Aku', anna mattongan-tongan memmesa'mo sola ngasan. Ia ke susii joo na la naissen tolino kumua tasuana', na issen tooi kumua tapakamoja'i tuu lako taun-Ta' susi Aku' tapakamoja'.

Roma 8:31

Apara la takua tee too to sininna joo? Ia ke napangngewaiki' Puang Allataala indara la nnewaki'?

Roma 8:37

Apa sapatalo-talota', sanga naampaiki' to tompakamoja'ki'.

1 Korintus 2:12

Te'da nabenki' Puang Allataala cara mangpikkiri' susi tolino, apa Roh Allataalara nabenki', dikua antaissen ngasanni to apa mangka nabenki'.

1 Korintus 6:13

Den too tomangkada kumua, ia to kinande nandena ba'tang, na ia to ba'tang dipasadian nande. Apa pada la nalanynyasanni Puang Allataala. Ia to batang kale te'da nadipaden la manggauk sala, apa dipadenri la ssompa Puang, na Iamora ngkuasaii to batang kale.

2 Korintus 4:4

Ia to Ballisi', to ngkuasaii tee lino, iamo ssamboii tangngahna tuu lako tote'da namatappa', anna te'da nakitai to arrangna Kareba Kasalamatan to napupangngarrang kamala'biran-Na Almaseh to sangrupa bang una Puang Allataala.

2 Korintus 6:16

Te'da kasiumputanna Bola Puang Allataala na bolana dewata! Na kita'mo Bola Puang Allataala to tuo, susi to napau Puang Allataala kumua, “La mari'pihna' sola tuu lako tau, na la torrona' lan tangnga-tangngana. La menjajina' Puang Allataala to nasompa, na ia tuu lako tau la menjaji umma'-Ku'.

Efesus 2:2

Ia joo wattu ia to panggaukanmi susi bang to panggaukanna tolino to tangnturu' Puang, ammituru' Ballisi' jao langi' to mparenta sininna setang. Iamo tatta' ngkuasaii to totangmatappa' lako Puang Allataala.

Efesus 3:17

Ia ke susimi joo, mari'pihmi Almaseh lan penawammi, nasaba' matappa' kamu' lako kale-Na. Massambajang toona' kumua moi apa mipugauk, mipugaukki nasaba' pangpakamoja'.

Efesus 6:10

Na mangkatampakanna, eloranni to kuasan-Na Puang mpamawatang kamu', nasaba' memmesa' penawamo kamu' sola Ia.

1 Yahya 2:1

Ee, tokupuanak! Kuukiran kamu' tee kukua nadanggi' mipugauk dosa. Apa ia ke denni tompugauk dosa, denmo to mpangkadananki' jio olo-Na Puang Allataala, Iamo Puang Isa Almaseh to maruruh.

1 Yahya 2:13

Ee, kamu' to ambe'! Kuukiran kamu' tee, nasaba' miissenmo to Puang Isa Almaseh to denmo mammula jiona mai. Ee, kamu' tomalolle'! Kuukiran kamu' tee, nasaba' mangkamo kamu' ntaloi Ballisi'.

1 Yahya 3:24

Ia ngasan to tonturu' parenta-Na Puang Allataala, mesa' penawami sola Puang Allataala, na Puang Allataala mesa' penawa too sola ia. Na taissen kumua Puang Allataala mesa' penawa sola kita', sanga mangkamiki' naben Roh Allataala.

1 Yahya 4:13

Mangkami Puang Allataala mparatuanki' to Roh Allataala. Iamo tanii nnissenni kumua da'tanmiki' mesa' penawa sola Puang Allataala, na Puang Allataala da'tan mesa' penawa sola kita'.

1 Yahya 4:16

Taissen sola takatappa'i kumua napakamoja'ki' Puang Allataala. Mangpakamoja' to Puang Allataala. Ia to toda'tan mangpakamoja', da'tan too mesa' penawa sola Puang Allataala, na Puang Allataala da'tan mesa' penawa sola ia.

1 Yahya 4:6

Apa ia to kita' napuanakmiki' Puang Allataala. Na ia to tonnissen Puang Allataala napesa'dingngi to pangngajahta'. Na ia to tote'da napuanakki Puang Allataala, te'da napesa'dingngiki'. Susimi joo carata' nnissenni, matumba sisalanna to tonnampui Roh mpamanassai to katonganan, na ia to nnampui roh mangpalao sala.

1 Yahya 5:19

Taissen kumua napuanakmiki' Puang Allataala, moi nakuasaii Ballisi' to tolino tangnturu' Puang Allataala.

1 Yahya 5:4

sanga ia to tonapuanakmo Puang Allataala mangkamo ntaloi kuasanna tolino to tangnturu' Puang Allataala. Ia to tapake ntaloii, iamo to kamatapparanta'.

Pengkitanna Yahya 12:11

Mangkami nataloi padanta' tomatappa' mpake rara-Na Anak Bembala' ba'tu rara-Na Puang Isa na Kareba Kasalamatan to mangkamo napangpeissenan. Te'da najampangngi sunga'na moi na la mpumatei.