1 Yahya 4:21 - Alkitab Duri

²¹ Jaji, ia to tompakamoja' Puang Allataala, la mpakamoja' too padanna tomatappa'. Iamo joo napangparentan Almaseh lako kita'.

1 Yahya 4:21 ပူးပေါင်းရင်းမြစ်များ

Matius 5:43

Mangpangngingaranmi Puang Isa nakua, “Den too pangpangngajah misa'ding kumua, ‘Pakamoja'i to solami, ammikaba'cii to ewalimmi.’

Lukas 10:37

Mebalimi joo guru agama nakua, “Ia to tongkamaseii joo todirampo' anna tulungngi.” Nakuamo Puang Isa, “La mupugaukki susi joo!”

Yahya 15:12

Iamo tee parenta-Ku' to kumua, la sipakamoja' kamu' padammi rupa tau, susi Aku' mpakamoja' kamu'.

Galatia 5:14

Nasaba' sininna atoran agama dipamesa' lan mesa' parenta to diuki' lan Sura' Allataala kumua, “Pakamoja'i to padammu rupa tau susi iko mpakamoja' kalemu!”

Galatia 5:6

Ia ke sirapumiki' Puang Isa Almaseh, te'damo silaenanna todisunna' ba'tu totangdisunna'. Apa ia to parallu, iara to kamatapparan lako Puang Isa Almaseh, to napamanassa kasipakamojatanta' padanta' rupa tau.

1 Tesalonika 4:9

Te'damo kiparallu nnuki'i umbo la mikua mpakamoja' padammi tomatappa', sanga mangkamo kamu' naajahhi Puang Allataala.

1 Petrus 3:8

Ee, tomala'bihku'! Katampakanna, la mesa' kada sola mesa' penawa kamu'. La sipakamoja' kamu' padammi tomatappa', la sikamasean too kamu', nadanggi' mimatampo.

1 Petrus 4:8

Na ia to kaminang parallu, la mattongan-tongan kamu' sipakamoja', ammisisulle sidampangan.

1 Yahya 2:7

Ee, tomala'bihku' to kupakamoja'! Ia tee kuuki', tangngiara parenta baru. Parenta masaimo tee, to mangkamo dipangpeissenan lako kamu' tommimane' matappa' lako Puang Isa. Ia joo parenta iamo to mangkamo misa'ding kumua la sipakamoja'ki'.

1 Yahya 3:11

Ia tommimane' matappa' lako Almaseh dipauanmo kamu' tee pangngajah kumua, la sipakamoja'ki'.

1 Yahya 3:14

Ia ke mpakamoja'ki' padanta' tomatappa', taissen kumua te'damo nakuasaiki' kuasa kamatean, apa ntarimamiki' katuoan melo te'da cappa'na. Na ia to tote'da napakamoja' tolaen, tonakuasaipa ia kuasa kamatean.

1 Yahya 3:18

Ee, tokupuanak! Danggi' na jio mandara timu, ba'tu kadanta' mandara to pangpakamoja'. Apa nang la mangpakamoja' tonganki', to pajan jio panggaukanta'.

1 Yahya 3:23

Iamo tee to parenta-Na kumua, la matappa'ki' lako Anak, Puang Isa Almaseh, sola la sipakamoja'ki', susi to mangkamo nasuanki' Almaseh.

1 Yahya 4:11

Ee, tomala'bihku' to kupakamoja'! Ia ke susimi joo kumua gaja napakamoja'ki' Puang Allataala, jaji moi kita' la sipakamoja' todaki'.