1 Yahya 4:2 - Alkitab Duri

² Susi tee carami la nnissenni kumua Roh Allataala tonganraka ba'tu tangngiaraka. Ia to tonnakui kumua mentolinomo to Puang Isa Almaseh, iamo to nnampui Roh Allataala.

1 Yahya 4:2 ပူးပေါင်းရင်းမြစ်များ

Yahya 1:14

Ia joo Kada mentolinomi namari'pihmi lan tangnga-tangngata'. Takitamo to kamala'biran-Na, to natarima jio mai Ambe' sanga Ia Anak tungga'-Na. Iamo joo Anak mpamanassa tonganni to Puang Allataala sola pangpakamoja'-Na.

1 Korintus 12:3

Iamo joo kupamanassan kamu' kumua, ia to tonapatuju Roh Allataala, moi mesa' tau te'da nalamangkada kumua, “Tampak ropu ia joo Puang Isa.” Susi toomi joo te'da mesa' tau ngkullei mangkada kumua, “Puang to Isa!” ke te'dai napatujui Roh Allataala.

1 Timotius 3:16

Te'da mesa' tau tanglantongananni kumua liwa' ia mala'bihna to pangngajaran kasaranian, to tangkaissenanpa tonna anu', apa ia tee too napangpeissenanmo Puang Allataala. Susi tee joo pangngajaran kasaranian, “Mentolinomo Puang Isa Almaseh. Napabuttii Roh Allataala kumua Iamo napusannang Puang Allataala. Nakita sininna malaeka', napangpeissenanni tau lako sininna bangsa. Nakatappa'i tolino, naangka'i Puang Allataala tama suruga.”

1 Yahya 1:2

Ia joo Kada mangpatuo dipapajan lan lino na kikitamo. Iamo joo kipangpeissenanni lako kamu' kumua indara Ia. Kipaissenni too kamu' kumua Iamo mpangben katuoan melo te'da cappa'na. Mammula jiona mai solai Ambe', Puang Allataala na mangkamo mpapajan kalena lako kami'.

1 Yahya 2:23

Ia to tote'da natarimai to Anak, battuananna te'da too natarimai to Ambe'. Ia tontarimai to Anak, battuananna natarima tooi to Ambe'.

1 Yahya 4:15

Inda-inda to nnakuii kumua Anak Allataala to Puang Isa, ia to Puang Allataala da'tan mesa' penawa sola joo tau, na ia da'tan mesa' penawa sola Puang Allataala.

1 Yahya 4:3

Apa ia to totangnnakuii to Puang Isa susi joo, iamo totangnnampui Roh Allataala. Ia joo tau nnampui roh jio mai to tonnewa Almaseh. Misa'dingmo kumua la ratu joo roh, nadenmo lan lino tee too.

1 Yahya 5:1

Ia to tongkatappa'ii kumua Raja Mangpasalama' to Puang Isa, napuanak Puang Allataala. Na ia to tompakamoja' to mangpuanak, napakamoja' too to dipuanak.

2 Yahya 1:7

Buda tompalao sala tau male bang llelei tondok. Ia tuu lako tau te'da naakuii kumua mentolinomo to Puang Isa. Ia to mangkada susi joo, tompalao sala tau na tonnewa Almaseh.