1 Yahya 4:1 - Alkitab Duri

¹ Ee, tomala'bihku' to kupakamoja'! Danggi' mikatappa'i ngasan bangngi to tomangngaku nnampui Roh Allataala, apa pemanassai jolo' kumua Roh Allataala tonganmoraka to naampui, ba'tu tangngiaraka. Nasaba' budamo nabi tangtongan male bang llelei tondok.

1 Yahya 4:1 ပူးပေါင်းရင်းမြစ်များ

Kada Bulawan 14:15

Ia to totangmapahangpa, ngkatappa'i ngasan bang to napau tau, apa ia to tomelo akkalanna, te'da na samangpugaukkuna bang.

Markus 13:21

Ia ke denni tau ngkuan kamu' joo wattu, ‘Kitari, inde'i to Raja Mangpasalama'!’ ba'tu nakua, ‘Iti'i joo!’, danggi' mikatappa'ii joo tau.

Lukas 12:57

Mangngajahhimi Puang Isa nakua, “Ciapari na te'da kamu' mipikkiri'i to melona la mipugauk?

Lukas 21:8

Mebalimi Puang Isa nakua, “Majaga kamu', danggi' naden tau mpalao sala kamu'. Nasaba' buda tau la ratu mpusanga sangang-Ku', nakua, ‘Aku'mo Raja Mangpasalama'!’ na ‘Wattunnamo.’ Apa danggi' mipesa'dingngii.

Jamanna Rasulu' 17:11

Ia to to-Yahudi jio kota Berea la'bih melo ia penawanna na ia to to-Yahudi jio kota Tesalonika. Masannang ia ssa'ding karebanna Puang Isa, na allo-allo bang mbaca Sura' Allataala, madoang la nnissenni kumua sicoco'raka pangngajaranna Paulus.

Jamanna Rasulu' 20:29

Kuissen kumua ia angkumalemo, la ratu to tau massipa' susi asu lampung mentama tangnga-tangngami, na te'da nalancirinnaii to tau pura diben kamu'.

1 Korintus 12:10

Den tau naben barakka' mpugauk tanda mejangngaran, na ia to tolaenna naben barakka' mpangpeissenan pepasan-Na Puang Allataala. Na ia pole' o tolaenna, ia bang una joo Roh Allataala mbenni barakka' mpasilaenanni kumua umbonna to barakka' jio mai Roh Allataala, na umbonna to tangngia. Den toopa to naben barakka' kamaccan mangkada mpake basa mejangngaran. Naden too tolaen naben barakka' kamaccan mbattuanannii joo basa.

1 Korintus 14:29

Dua ba'tu tallu tau la mpangpeissenan pepasan-Na Puang Allataala, anna sitimbangngii tolaen kumua tongannaraka pole jio mai Puang Allataala joo apa napau.

1 Tesalonika 5:20

Danggi' too micapa'i to kada napasan Roh Allataala,

1 Tesalonika 5:21

apa la mipikkiri' meloi joo kada. Ianna tongan kumua pepasan jio mai Roh Allataala, pugaukki.

1 Timotius 4:1

Napamanassai Roh Allataala kumua, ia to wattu la dioloi lako, den ba'tu pira-pira tau la mentangmatappa' pole' lako Puang Isa Almaseh. Ia tuu lako tau la menturu' lako roh mangpalao sala na nturu' pangngajaranna setang.

2 Timotius 3:13

apa ia to togaja' na topangnguraga la sagaja'-gaja'nai. Ia tuu lako tau nnuraga tau laen, apa sitonganna moi ia diuraga too.

2 Petrus 2:1

Ia to wattu pura diboko', den nabi tangtongan mentialla' lan tangnga-tangngana umma'-Na Puang Allataala. Susi toomi tee too den guru tangtongan la mentialla' lan tangnga-tangngami. Ia to pangngajaranna la mpalao sala na ssolangan tau. Mpessakkannii Puang Isa to mangka lla'bakki jio mai kuasa dosa. Iamo joo madoi' la mparatu kamasolangan lako kalena.

1 Yahya 2:18

Ee, tokupuanak! La Kiama'mi lino. Mangkamo kamu' dipauan kumua la ratumi to tonnewa Almaseh, na budamo to mpapajan kalena tee too. Iamo tandana kumua la Kiama'mi lino.

1 Yahya 2:7

Ee, tomala'bihku' to kupakamoja'! Ia tee kuuki', tangngiara parenta baru. Parenta masaimo tee, to mangkamo dipangpeissenan lako kamu' tommimane' matappa' lako Puang Isa. Ia joo parenta iamo to mangkamo misa'ding kumua la sipakamoja'ki'.

2 Yahya 1:7

Buda tompalao sala tau male bang llelei tondok. Ia tuu lako tau te'da naakuii kumua mentolinomo to Puang Isa. Ia to mangkada susi joo, tompalao sala tau na tonnewa Almaseh.

3 Yahya 1:11

Ee, tokupakamoja'! Danggi' muturu'i to apa tangmelo, apa iara to melona. Ia to tompugaukki to melona, taun-Na ia Puang Allataala. Apa ia to tompugaukki to tangmelona, to tangnnissenpa ia Puang Allataala.

Pengkitanna Yahya 2:2

Kuissen to panggaukanmi. Tangmengkabo'jo' kamu' mangjama miliwa' sabbara'. Kuissen kumua tangmikabudai to tompugauk kagajatan. Miparessamo to tau ssanga rasulu' kalena na miampa'mo kumua sitonganna tomangnguragara.