1 Yahya 3:5 - Alkitab Duri

⁵ Miissen kumua ratumi Puang Isa la ndampangan tolino. Na miissen too kumua tangmadosa to Almaseh.

1 Yahya 3:5 ပူးပေါင်းရင်းမြစ်များ

Matius 1:21

La njajianni mesa' pea muane na la musangai Isa (battuananna ‘Tomangpasalama'’), nasaba' iamo la mpasalama' umma'-Na jio mai pangpatumangna dosana.”

Lukas 23:41

Ia mandari ia to kaladibunoanta' sola dua nang siangga' kita' panggaukanta'. Apa Ia tee tau, te'da lalo napugauk kasalan!”

Lukas 23:47

Ia tonna kitami komandan surudadu apa joo mangka jaji, mpakala'bihmi Puang Allataala, anna mangkada nakua, “Tonganna, te'da Ia nakasalan!”

Yahya 1:29

Masawanna malemi Puang Isa lako Nabi Yahya. Ia tonna kitai Nabi Yahya to Puang Isa mangkadami nakua, “Iamo joo Anak Bembala'-Na Puang Allataala ratu la ndampangan tolino.

Yahya 1:31

Na iamo kuratu njio' wai tau, dikua angkupangpeissenanni to Raja Mangpasalama' lako to-Israel. Susi toda aku' tonna pamulanna, te'da kuissenni kumua indara to Raja Mangpasalama'.”

Yahya 14:30

Te'damo nabuda bang la kupauan kamu', nasaba' wattunnami la ratu to Ballisi', to ngkuasai tee lino. Apa te'da nakuasaina'.

Yahya 8:46

Te'da bang kamu' ngkullei mpamanassai kumua den dosa jio kale-Ku'. Na ia ke mpauna' katonganan, ciapari na te'da mimatappa'?

2 Korintus 5:21

Puang Allataala mpabalahhi Almaseh moi na te'da namadosa. Ia ssulleki', nasaba' dosata', anna pupenjaji tomeloki' nasaba' memmesa' penawaki' sola Almaseh.

1 Timotius 1:15

Tongan na sipato' ditarima tee kada to kumua, “Mentolino to Puang Isa Almaseh la mpasalama' tomadosa”, na aku'mo to kaminang madosanna.

1 Timotius 3:16

Te'da mesa' tau tanglantongananni kumua liwa' ia mala'bihna to pangngajaran kasaranian, to tangkaissenanpa tonna anu', apa ia tee too napangpeissenanmo Puang Allataala. Susi tee joo pangngajaran kasaranian, “Mentolinomo Puang Isa Almaseh. Napabuttii Roh Allataala kumua Iamo napusannang Puang Allataala. Nakita sininna malaeka', napangpeissenanni tau lako sininna bangsa. Nakatappa'i tolino, naangka'i Puang Allataala tama suruga.”

Titus 2:14

Mangkamo Ia mpangkaroban kalena la lla'bakki' jio mai sininna kagajatanta' napupenjajiki' umma'-Na to tangmadosa antatatta' too mpugauk kameloan.

Ibrani 1:3

Iamo joo Anak to mpapajanni lako kita' to kamala'biran-Na Puang Allataala. Ia to sipa'-Na sola kuasan-Na susi una sipa'-Na sola kuasan-Na Puang Allataala. Ia toomo nnampaii tee lino mpake kada makuasan-Na na te'da natiseran. Ia tonna mangkamo mate la ndampangan tolino, cumadokkomi jao suruga jio sa'de kanan-Na Puang Allataala to kaminang makuasa namangparenta.

Ibrani 4:15

Ia joo Imang Lompota' naissen to katangpakulleanta', sanga mangkami dipengkulle-kullei disede mpugauk dosa susi kita', apa te'da napugauk dosa.

Ibrani 7:26

Jaji, iamo Imang Lompo taparallui to Puang Isa. Tomelo Ia, te'da sala-Na ba'tu kakurangan-Na. Todipatorro leko' jio mai tomadosa, na dipaendek de' la'bih majaona na ia to langi'.

Ibrani 9:26

Sanga ia kenna la susi Imang Lompona to-Yahudi to Almaseh, la nadadu' punalai mperasai parri' kamatean mellao jio mai dipadenna tee lino. Sibalikanna pissenri mangka ratu to Almaseh tee wattu tampakkana lino mpassompan kalena la ndampangan tau.

Ibrani 9:28

Susi toomi Almaseh pissenri mpassompan kalena la ndampangan buda tau. Na ia ke ratu pole'mi, te'damo naratu la mpangben sunga'-Na nasaba' dosana tau, apa la mbenmira kasalamatan lako tontajan karatuan-Na pole'.

1 Petrus 1:18

Napukaunan kamu' jolo to sipa' te'da bua'na to mimanah jio mai tojolomi. Miissen to apa mangka napake Puang lla'bak kamu' ammikullei mpatorro sipa' jolomi. Ia to pela'bak tangngia ewanan la masolang, susinna pera' ba'tu bulawan,

1 Petrus 1:20

Ia tonna te'dapa nadipaden tee lino napattantu jolomo Puang Allataala kumua Puang Isa Almaseh menjaji Tomangpasalama', na ia tee wattu la tampakkanami lino ratumi la mpasalama' kamu'.

1 Petrus 2:22

Te'da lalo napugauk dosa, te'da too naden tau ssa'dingngi kumua mangnguragai.

1 Petrus 2:24

Almasehra Ia mperasai kamaparrisan jao kaju sitamben nasaba' dosata', antala'pah jio mai kuasa dosa, antaturu' too pakkaeloran-Na Puang Allataala. Napamalagahki' nasaba' kamaparrisan-Na Almaseh jao kaju sitamben.

1 Petrus 3:18

Nasaba' pissenra mate to Almaseh la ndampangan tolino. Ia to Almaseh, to te'da namadosa, namate ssulle tomadosa, dikua misikalino pole' Puang Allataala. Batang kale-Na nabuno tau, apa napatuo pole'i Roh Allataala.

1 Yahya 1:2

Ia joo Kada mangpatuo dipapajan lan lino na kikitamo. Iamo joo kipangpeissenanni lako kamu' kumua indara Ia. Kipaissenni too kamu' kumua Iamo mpangben katuoan melo te'da cappa'na. Mammula jiona mai solai Ambe', Puang Allataala na mangkamo mpapajan kalena lako kami'.

1 Yahya 1:7

Apa ia ke tuoki' situru' pakkaeloran-Na Puang Allataala, mesa' penawamiki' sola padanta' tomatappa', anna ia to rara-Na Puang Isa, Anak Allataala, mpemaceroiki' jio mai sininna dosata'.

1 Yahya 2:1

Ee, tokupuanak! Kuukiran kamu' tee kukua nadanggi' mipugauk dosa. Apa ia ke denni tompugauk dosa, denmo to mpangkadananki' jio olo-Na Puang Allataala, Iamo Puang Isa Almaseh to maruruh.

1 Yahya 2:2

Iamo karoba to mpasikalinoki' Puang Allataala anna wa'ding ndampanganki' to tomadosa. Na te'da na kita' manda, apa moi sininna tolino.

1 Yahya 2:29

Miissenmo kumua, ia to Almaseh nturu' pakkaeloran-Na Puang Allataala. Iamo joo la parallu too miissen kumua ia to tonturu' pakkaeloran-Na, napuanak Puang Allataala.

1 Yahya 3:8

Ia to tompugauk tarruh dosa, napuanak Ballisi', nasaba' ia to Ballisi' iamo garonto'na dosa mammula jiona mai. Iami joo naratumo to Anak Allataala la ssabu'ii to jamanna joo Ballisi'.

Pengkitanna Yahya 1:5

Ia to Puang Isa sa'bi maruruh. Iamo bungah dipatuo jio mai kamatean. Ia toomo ngkuasai sininna raja lan lino. Napakamoja'ki' namate anna la'paranmiki' jio mai dosata'.