1 Yahya 3:3 - Alkitab Duri

³ Ia ngasan to tontajan karatuan-Na pole' Almaseh njagai kalena nada'tan tangmadosa susi Puang Isa tangmadosa.

1 Yahya 3:3 ပူးပေါင်းရင်းမြစ်များ

Matius 5:48

Ia to Ambe'mi Puang Allataala jao suruga mpakamoja' sininna tolino. Iamo joo la susi toda mipugauk.”

Lukas 6:36

Mamase kamu', susi Ambe'mi Puang Allataala mamase!”

Yahya 17:19

Mangkamo kuturu' to kadan-Ta' angkumpangben kale-Ku' susi karoba, anna pumeloi tuu lako taun-Ta'. Kupugaukki susi joo dikua anna ia tuu lako taun-Ta' nturu' toda kadan-Ta' na mpangben toda kalena lako kale-Ta' namenjaji tau mesan-Ta'.

Jamanna Rasulu' 15:9

Te'da napasilaenanki' Puang Allataala na bangsa laen, nadampangan too ke matappa'i.

Roma 15:12

Susi toda tee to napau Nabi Yesaya, “Jio mai bati'na Isai la jaji mesa' tau, to la mparenta sininna bangsa na lako kale-Na nanii sininna bangsa mangrannuan.”

2 Korintus 7:1

Ee, tomala'bihku' to kupakamoja'! Ia joo basse-Na Puang dipatujui ngasanki'. Iamo joo danggi'mo tapugauk sininna panggaukan sola pikkirisan tangmelo. La takalaja' takasiri' to Puang Allataala, anna te'da caccata' naputau mesaki'.

Kolose 1:5

Matappa' kamu' misipakamoja', nasaba' mirannuan to Puang Allataala kumua la naben kamu' to apa napasadianmo kamu' jao suruga, situru' Kareba Kasalamatan to mangka misa'ding jolona. Tongan joo Kareba Kasalamatan,

2 Tesalonika 2:16

Napakamoja'ki' Puangta' Puang Isa Almaseh sola Ambe'ta' Puang Allataala. Napamasumanga' tarruh to penawanta', naben tooki' kasabbarasan ntajanni to melona, nasaba' kameloan penawan-Na.

Titus 3:7

dikua antaampa' katuoan melo te'da cappa'na, susi to pangrannuanta', sanga mangkamiki' dipupenjaji tomelo nasaba' kameloan penawan-Na.

Ibrani 12:14

Mipengkulle-kullei sikalino ngasan tau. Mipengkulle-kullei tooi mpupengkaunan kalemi lako Puang Allataala, sanga ia ke te'da nasusi joo to sipa'mi, te'da mikullei ngkita Puang.

Ibrani 6:18

Ia joo dua, iamo to basse-Na sola sapah-Na te'da namembali, sanga te'da nakullei Puang Allataala mangnguraga. Susimi joo napamasumanga'ki' kita' to napasalama'mo Puang Allataala, antarannuan tarruh Puang Allataala kumua la napugaukki to apa nabasseanki'.

Ibrani 7:26

Jaji, iamo Imang Lompo taparallui to Puang Isa. Tomelo Ia, te'da sala-Na ba'tu kakurangan-Na. Todipatorro leko' jio mai tomadosa, na dipaendek de' la'bih majaona na ia to langi'.

Yakub 4:8

Mandoppi' kamu' lako Puang Allataala, nalamandoppi' too lako kalemi. Ee, kamu' tomadosa! Danggi'mo mipugauk dosa. Na kamu' tomangdua penawa, pemeloi sipa'mi.

1 Petrus 1:15

Sibalikanna la messipa' melo kamu' mikaba'cii to kagajatan, susi Puang Allataala to mangka mpilei kamu'.

1 Petrus 1:3

Tamangkurru sumanga' lako Puang Allataala, Ambe'-Na Puangta' Puang Isa Almaseh! Liwa' Ia ngkamaseiki', anna patuo pole'i to Puang Isa Almaseh antawa'ding nnampa' katuoan baru. Iamo joo tangbataki' rrannuan Puang.

2 Petrus 1:4

Susimi joo carana Puang Allataala mbenki' barakka' liwa' tonggo to te'da nasusian keangga'na, to mangkamo nabasseanki'. Naben kamu' joo barakka' ammimessipa' melo susi sipa'-Na, nadanggi'mo mituru' kamadoangan gaja'. Ia joo kamadoangan gaja' ssolangngi totangnturu' Puang Allataala.

2 Petrus 3:14

Ee, tomala'bihku' to kupakamoja'! Da'tan una kamu' ntajanni joo wattu, la mipengkulle-kullei sikalino padammi rupa tau anna te'da caccami ba'tu kakuranganmi ke mangngolomo kamu' lako Puang Allataala.

1 Yahya 2:6

Ia to tomangkada kumua, “Mesa' penawana' sola Puang Allataala”, la naturu' to sipa'na Almaseh.

1 Yahya 4:17

Ia ke mangkaki' mperasai pangpakamoja'-Na Puang Allataala, baranimiki' mangngolo lako Puang Allataala ke Kiama'mi lino. La nnampuiki' kabaranian, nasaba' ia to sipa'ta' lan lino susi sipa'-Na Almaseh.