1 Yahya 3:23 - Alkitab Duri

²³ Iamo tee to parenta-Na kumua, la matappa'ki' lako Anak, Puang Isa Almaseh, sola la sipakamoja'ki', susi to mangkamo nasuanki' Almaseh.

1 Yahya 3:23 ပူးပေါင်းရင်းမြစ်များ

Matius 22:39

Na parenta mangpenduanna to pada bang una joo parenta bungahna: Pakamoja'i to padammu rupa tau, susi iko mpakamoja' kalemu.

Markus 9:7

Ia joo wattu ratumi to saleu' mbombonnii sola ngasan, na den gamara nasa'ding lan mai saleu' nakua, “Iamo tee to Anak kupakamoja'. Pesa'dingngii.”

Yahya 1:12

Apa ia to tontarimai, nakatappa'ii, naben kuasa menjaji anak Puang Allataala.

Yahya 13:34

Kuben kamu' parenta baru kumua, la sipakamoja' kamu'. Susi Aku' mpakamoja' kamu', susi toda kamu' la sipakamoja'.

Yahya 14:1

Nakua Puang Isa lako anak gurun-Na, “Danggi' mimausa'. Matappa' kamu' lako Puang Allataala, mimatappa' too lako Aku'.

Yahya 15:12

Iamo tee parenta-Ku' to kumua, la sipakamoja' kamu' padammi rupa tau, susi Aku' mpakamoja' kamu'.

Yahya 17:3

Iamo tee to katuoan melo te'da cappa'na, ke naissen tonganmiki' tau kumua Kita'mo Puang Allataala tongan, anna issen toona' kumua Aku'mo Puang Isa Almaseh to mangka tasua.

Yahya 2:23

Jao unapi kota Yerusalem Puang Isa tonna pangramean Paskah, na buda tau matappa' lako kale-Na, sanga nakitai to tanda mejangngaran napugauk.

Yahya 3:18

Ia to ngkatappa'ii, te'da naladisessa, apa ia to tote'da namatappa', la dipabalahhi to dosana, nasaba' te'da nakatappa'ii to Anak tungga'-Na Puang Allataala.

Yahya 6:29

Mebalii Puang Isa nakua, “Iamo tee to nakadoangngi Puang Allataala jio mai kalemi: la matappa' kamu' lako kale-Ku' kumua Aku'mo to nasua Puang Allataala.”

Jamanna Rasulu' 16:31

Napebalii Paulus sola Silas nakua, “Katappa'iko Puang Isa! Musalama' la iko, la ia to repokkomu!”

Efesus 5:2

La sikamasean kamu' susi Almaseh ngkamaseiki', iamo na mpangkaroban kalena la mpasalama'ki'. Ia joo kamatean-Na susi karoba bunangngu' to napumasannang Puang Allataala.

1 Tesalonika 4:9

Te'damo kiparallu nnuki'i umbo la mikua mpakamoja' padammi tomatappa', sanga mangkamo kamu' naajahhi Puang Allataala.

1 Timotius 1:15

Tongan na sipato' ditarima tee kada to kumua, “Mentolino to Puang Isa Almaseh la mpasalama' tomadosa”, na aku'mo to kaminang madosanna.

1 Petrus 1:22

Mangkamo mipemeloi to sipa'mi, sanga nturu'mo kamu' pangngajaran tongan jio mai Puang Allataala na danggi' mianggai'-gai' bangri mpakamoja' padammi tomatappa'. Iamo joo la sipakamoja' tongan kamu'.

1 Petrus 4:8

Na ia to kaminang parallu, la mattongan-tongan kamu' sipakamoja', ammisisulle sidampangan.

1 Yahya 2:7

Ee, tomala'bihku' to kupakamoja'! Ia tee kuuki', tangngiara parenta baru. Parenta masaimo tee, to mangkamo dipangpeissenan lako kamu' tommimane' matappa' lako Puang Isa. Ia joo parenta iamo to mangkamo misa'ding kumua la sipakamoja'ki'.

1 Yahya 3:11

Ia tommimane' matappa' lako Almaseh dipauanmo kamu' tee pangngajah kumua, la sipakamoja'ki'.

1 Yahya 4:15

Inda-inda to nnakuii kumua Anak Allataala to Puang Isa, ia to Puang Allataala da'tan mesa' penawa sola joo tau, na ia da'tan mesa' penawa sola Puang Allataala.

1 Yahya 4:21

Jaji, ia to tompakamoja' Puang Allataala, la mpakamoja' too padanna tomatappa'. Iamo joo napangparentan Almaseh lako kita'.

1 Yahya 5:13

Kuuki'i tee lako kamu' tomatappa' lako Anak Allataala, ammiissenni kumua, miampuimo to katuoan melo te'da cappa'na.