1 Yahya 3:22 - Alkitab Duri

²² Na apa to tapeta'da lako Ia, nabenki', nasaba' nturu'ki' parenta-Na na tapugauk too to apa napumasannang penawan-Na.

1 Yahya 3:22 ပူးပေါင်းရင်းမြစ်များ

Kada Bulawan 15:29

Ia to togaja' te'da Naparinawai Puang Allataala, apa ia to passambajangna tomakassing Napesa'dingngi.

Kada Bulawan 28:9

Ia to tocia' nturu' atoran-Na Puang Allataala, Nakako'do' Puang Allataala to passambajangna.

Matius 17:5

Ia tonna mangkada unapa Petrus, ratumi to saleu' macorrang mbombonnii sola ngasan na den gamara nasa'ding lan mai nakua, “Iamo tee to Anak kupakamoja' to mpamasannangna'. Pesa'dingngii!”

Matius 21:22

Apa to mipeta'da ke massambajang kamu', la diben kamu', ke matappa' tongan kamu'.”

Markus 11:24

Iamo joo la miissen melo kumua, ia ammimassambajang na den apa mipeta'da, katappa'i kumua la naben kamu' Puang Allataala.

Yahya 14:13

Na moi apa mipeta'da mpau sangang-Ku', la kuben kamu', anna dipakala'bih to Ambe', nasaba' Aku' tee Anak.

Yahya 15:10

Ia ke mituru'i to pakkaeloran-Ku', la da'tanna' mpakamoja' kamu', susi Ambe' da'tan mpakamoja'na', sanga nturu'na' pakkaeloran-Na.

Yahya 15:7

Ia ke da'tan kamu' memmesa' sola Aku', miingaran tooi to pangngajaran-Ku', moi apa mipeta'da lako Ambe', la naben kamu'.

Yahya 6:29

Mebalii Puang Isa nakua, “Iamo tee to nakadoangngi Puang Allataala jio mai kalemi: la matappa' kamu' lako kale-Ku' kumua Aku'mo to nasua Puang Allataala.”

Yahya 8:29

Na iamo joo Ambe'-Ku' to ssuana', nasolan bangna'. Te'da nasalaina', nasaba' tuli kupugauk to napumasannang.”

Yahya 9:31

Taissen kumua te'da napesa'dingngii Puang Allataala to tompugauk dosa, apa iara napesa'dingngi to tossompai sola mpugauk pakkaeloran-Na.

Jamanna Rasulu' 17:30

Te'damo napallan penawai to wattu katangpaissenanta', apa ia tee too nasua ngasan to tau lan lino mengkatoba' jio mai dosana.

Jamanna Rasulu' 20:21

Tuli kupangngingaran la lako to-Yahudi na lako bangsa laen anna mengkatoba' jio mai dosana, na mpangben kalena lako Puang Allataala, na matappa' lako Puangta' Puang Isa.

Filipi 4:18

Kutarima ngasanmo, na la'bih budamo na ia to kuparalluinna. Kala'bianmo', tongkutarimami jio mai Epafroditus to apa mipangben. Ia to pangpabenganmi susi karoba bunangngu', to napumasannang Puang Allataala.

Kolose 1:10

Ianna susimo joo, ia to sipa'mi la situru' pakkaeloran-Na Puang Allataala anna pumasannangngi penawan-Na. Susinna, mipugaukki to mangrupa-rupa kameloan, misannissen-nissennai to Puang Allataala,

Ibrani 13:21

dennaa upa' na Puang Allataalamora mpasadian kamu' sininna to melona, la mpugauk pakkaeloran-Na. Dennaa upa' anna Puang Allataala toomora mpupenjajiki' to napumasannang, sanga Puang Isa Almaseh. La mpakala'bih tarruhki' Almaseh te'da cappa'na. Amin.

Yakub 1:5

Ia ke den kamu' tangpadete' tangngahmi, la meta'da kamu' lako Puang Allataala nabenni kamu', sanga malaboh na masannang penawan-Na mangpabengan lako sininna tau.

Yakub 4:3

Na moi mipeta'dai lako Puang Allataala, te'da miampa'i, sanga gaja' pattujummi. Ia manda mipeta'da to mipusannangna lan tee lino.

Yakub 5:16

Iamo joo pada la nnakui kamu' kasalanmi ammisipassambajangan midipamalagah. Liwa' makuasa to peta'da doangna to tonturu' pakkaeloran-Na Puang Allataala.

1 Yahya 2:3

Ia ke nturu'ki' parenta-Na Puang Allataala, iamo tandana kumua nnissenmiki' Puang Allataala.

1 Yahya 5:14

Tabarani massambajang lako Puang Allataala, nasaba' takatappa'i kumua natarimamo to peta'danta' moi apa tapeta'da, ke tapeta'dai situru' pakkaeloran-Na.