1 Yahya 3:2 - Alkitab Duri

² Ee, tomala'bihku' to kupakamoja'! Ia tee too napuanakmiki' Puang Allataala. Ia ke ratu pole'mi Puang Isa tangnadete'pa tangngahta' kumua la matumbariki', apa moi nasusi joo taissen kumua ia joo wattu, la susimiki', nasaba' la takitai kumua matumba sitonganna to Puang Isa.

1 Yahya 3:2 ပူးပေါင်းရင်းမြစ်များ

Matius 5:8

Masannang to tomaruruh penawanna, nasaba' la ngkita Puang Allataala.

Lukas 17:30

Susi toomi to la jaji, ke ratu pole'na' tee Aku', Anak Mentolino.

Lukas 20:36

Nasaba' la tuomi susi malaeka' to te'damo nalamate pole'. Menjajimi ia anak Allataala, sanga dipatuo pole'mi jio mai kamatean.

Yahya 1:12

Apa ia to tontarimai, nakatappa'ii, naben kuasa menjaji anak Puang Allataala.

Yahya 11:52

Nate'da na to-Yahudi manda la nasulle, apa la napasirempun too napangmesai to taun-Na Puang Allataala to sisarak-sarakmo.

Yahya 17:24

Oo Ambe', meta'dana' na ia tuu lako taun-Ta' to tabenna' la torro jio to kunii, anna kitai to kamala'biran-Ku'. Tabenmo' joo kamala'biran tonna te'dapa nadipaden tee lino, nasaba' tapakamoja'na'.

Roma 8:16

Roh Allataala sola penawanta' mpamanassai kumua anak Allataalaki'.

Roma 8:18

Ia ke aku', mabanda' to kamaparrisan taperasai tee too, apa la manglokkon pembuda to kamala'biran la taampa' keanu'.

Roma 8:19

Sininna olok-olok na apa laen to napaden Puang liwa' mamali' ngasan ntajanni kumua piranpara napapajan ngasanni Puang Allataala to anakkana.

Roma 8:29

Na ia to tonaissenmo, pura napattantumo la menjaji sangrupa Puang Isa Almaseh, Anak Allataala, dikua na Almaseh menjaji pamungah jio mai sininna sile'to tomatappa'.

1 Korintus 13:12

Ia tee too ia to apa takita susiri to bajo-bajo tangmanyarrah lan cammin, apa la takita manyarrah keanu'. Ia tee too denpa kakuranganna to kapaissenanku' jiona Puang Allataala. Apa ia ke keanu', la kuissen to Puang Allataala susi Ia nnissenna'.

1 Korintus 15:49

Ia tee kita' tee too, susimiki' pamula Adam to digaraga jio mai litak, apa la susimiki' Almaseh to pole jao mai suruga keanu'.

1 Korintus 2:9

Kipangpeissenanni to apa diuki' lan Sura' Allataala kumua, “Napasadiamo Puang Allataala to la naben lako to tompakamoja'i to te'da lalopa nakitai tolino, to te'da lalopa nasa'dingngi, ba'tu to te'da lalopa nakalannaii.”

2 Korintus 3:18

Na ia tee too tapupangngarrangmo to kamala'biran-Na Puang, te'damiki' susi to nasamboi kaen to lindota'. Iamo joo samasai-sainna ia to sipa'ta' la susi sipa'-Na Puang, na saendek-endekkena to kamala'biranta' nabenki' Roh Allataala.

2 Korintus 4:17

Ia tee kamaparrisan kiperasai cingga'tu'ra namaringngan too, nalampadenankan kamasannangan te'da susinna na te'da cappa'na.

Galatia 3:26

Napuanak ngasanmo kamu' Puang Allataala, sanga matappa'mo kamu' lako Puang Isa Almaseh.

Galatia 4:6

Nasuai Puang Allataala to Roh-Na Anak Allataala torro lan penawammi, sanga napuanakmo kamu'. Na ia to Roh-Na Anak Allataala mpusaba'i tametamba kumua, “Oo, Ambe'ku'!”

Filipi 3:21

Iamo la mpajajii tee batang kaleta' to tangmala'bih menjaji mala'bih susi kale-Na, mpake kuasan-Na to napake too ntaloi sininna apa.

Kolose 3:4

Apa ianna ratu pole'mo to Almaseh, to mben kamu' katuoan baru, iamora joo wattu napajan too to kamala'biran-Na Almaseh ammimala'bih sola.

Ibrani 9:28

Susi toomi Almaseh pissenri mpassompan kalena la ndampangan buda tau. Na ia ke ratu pole'mi, te'damo naratu la mpangben sunga'-Na nasaba' dosana tau, apa la mbenmira kasalamatan lako tontajan karatuan-Na pole'.

2 Petrus 1:4

Susimi joo carana Puang Allataala mbenki' barakka' liwa' tonggo to te'da nasusian keangga'na, to mangkamo nabasseanki'. Naben kamu' joo barakka' ammimessipa' melo susi sipa'-Na, nadanggi'mo mituru' kamadoangan gaja'. Ia joo kamadoangan gaja' ssolangngi totangnturu' Puang Allataala.

1 Yahya 2:28

Ee, tokupuanak! La da'tan kamu' mesa' penawa sola Almaseh, anna ia ke ratu pole'mi, baraniki' sioloan, te'da tamembuni sanga masiri'ki'.

1 Yahya 2:7

Ee, tomala'bihku' to kupakamoja'! Ia tee kuuki', tangngiara parenta baru. Parenta masaimo tee, to mangkamo dipangpeissenan lako kamu' tommimane' matappa' lako Puang Isa. Ia joo parenta iamo to mangkamo misa'ding kumua la sipakamoja'ki'.

1 Yahya 3:1

Liwa' pangpakamoja'-Na to Ambe', Puang Allataala, na napuanakmiki'. Nang tongan kumua anakkanaki' Puang Allataala. Te'da naissenni tolino to tangnturu' Puang, kumua anakkanaki' Puang Allataala, nasaba' te'da too naissenni to Puang Allataala.

1 Yahya 3:10

Inda-inda to te'da nampugauk pakkaeloran-Na Puang Allataala ba'tu te'da nampakamoja' padanna tomatappa', te'da napuanakki Puang Allataala. Iamo joo mpamanassai indara to napuanak Puang Allataala na inda to napuanak Ballisi'.

1 Yahya 3:21

Ee, tomala'bihku' to kupakamoja'! Ianna te'da tasala situru' tangngahta', la baraniki' massambajang lako Puang Allataala.

1 Yahya 5:1

Ia to tongkatappa'ii kumua Raja Mangpasalama' to Puang Isa, napuanak Puang Allataala. Na ia to tompakamoja' to mangpuanak, napakamoja' too to dipuanak.

Pengkitanna Yahya 2:28

Ia joo kuasa susi to kutarima jio mai Ambe'-Ku'. La kuben tooi bintuin sulo bai.

Pengkitanna Yahya 22:4

sikita lindoi. Na ia to sangan-Na Puang la diuki' jio kidena.